देहरादून मा ‘राज्य स्तरीय परामर्श संवाद’ कार्यक्रम: देहरादून का सुद्धोवाला मा पॉक्सो अधिनियम 2012 का संबंध मा ‘राज्य स्तरीय परामर्श संवाद’ कार्यक्रम कु आयोजन करे गी. ये कार्यक्रम मा सीएम धामी न भी शिरकत करी. ये दौरान सीएम धामी न बोली पॉक्सो अधिनियम और अन्य महत्वपूर्ण विषयों का संबंध मा मंथन किये जांणू च, यां मा जु भी निष्कर्ष निकललू, राज्य सरकार ऊं सबी अपेक्षाऊं का अनुरूप प्रतिबद्धता से काम करली.
पंतनगर मा सीएम धामी न चलै स्वच्छता अभियान: सीएम पुष्कर सिंह धामी आज एक दिवसीय दौरा पर उधम सिंह नगर का पंतनगर पौंछिन. यख सीएम धामी न सेवा पखवाड़ा कार्यक्रम मा प्रतिभाग करी. ये दौरान सीएम धामी न विश्वविद्यालय मा स्वच्छता कार्यक्रम मा प्रतिभाग करी. कार्यक्रम मा सीएम धामी न बोली 2024 तक उत्तराखंड थै टीबी मुक्त किये जालू. कार्यक्रम का बाद सीएम धामी रुद्रपुर रवाना ह्वेन.
हिमाचल चुनाव मा प्रचार करला उत्तराखंड का नेता: हिमाचल विधानसभा चुनाव मा उत्तराखंड भाजपा का नेता चुनाव प्रचार करला. ये मैना का आखिर मा 49 नेता हिमाचल जाला. उत्तराखंड का यू वरिष्ठ और अनुभवी नेता हिमाचल मा चुनाव प्रबंधनै कमान संभालला. केंद्रीय नेतृत्व न हिमाचल प्रदेशै 19 विधानसभा सीटूं पर उत्तराखंड का नेताऊं थै जिम्मेदारी दिनी.
आनंदीबेन पटेल कु मसूरी दौरा: उत्तर प्रदेशै राज्यपाल आनंदीबेन पटेल न आज मसूरी भ्रमण करी. ये दौरान ऊन विभिन्न पर्यटन स्थलूं कु दीदार करी. सबसे पैली राज्यपाल आनंदीबेन पटेल मसूरी का गांधी चौक पौंछिन. यां का बाद वु मसूरी का घंटाघर स्थित सुरभि अग्रवाल का मसूरी हेरिटेज सेंटर पौंछिन, जख ऊंन सुरभि अग्रवाल का इतिहास का बारा मा जानकारी हासिल करी. यां का बाद राज्यपाल अपणा काफिला का दगड़ि लाल टिब्बा भी गैन.
22 सितंबर बटी देहरादू मा क्रिकेट कु महाकुंभ: 22 सितंबर बटी देहरादून का राजीव गांधी इंटरनेशनल स्टेडियम मा Road Safety World Series 2022 का मैच खेले जाला. ईं सीरीज मा भाग लेणौ दुनियाभर का दिग्गज खिलाड़ी देहरादून पौंछला. Road Safety World Series का 6 मैच देहरादून का राजीव गांधी इंटरनेशनल स्टेडियम मा खेले जाला. Series का मैचूं थै लेकी आज देहरादून एसएसपी दलीप सिंह कुंवर न मैदान और सुरक्षा व्यवस्था कु निरीक्षण करी.
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
चारधाम यात्रा मा बढणी यात्र्यूं की संख्या: चारधाम यात्रा मा एक बार फिर से तीर्थयात्रियूं की संख्या बढ़ण लग गी. हालांकि मौसम खराब होंण का कारण यात्रियूं थै परेशानी भी होंणी च. यां का बाद भी बदरीनाथ, केदारनाथ, गंगोत्री व यमुनोत्री धाम मा यात्र्यूं की संख्या दिनों-दिन बढणी च. अक्टूबर मैना मा दीपावली तक हेली सेवा की बुकिंग भी फुल ह्वे गीन.15 सितंबर तक लगभग 46.64 लाख तीर्थयात्रियूं न चारधाम यात्रा थै पंजीकरण करै, ज्या मा 35.81 लाख श्रद्धालुऊं न दर्शन करीन.
उत्तराखंड मा कोरोना का मामला: उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 8 नया मामला समणि ऐनी, ज्या का बाद प्रदेश मा कोरोना संक्रमितू की संख्या 103,905 ह्वे गी, जबकि यां से मन्न वालौ की संख्या 327 च.
