गणतंत्र दिवस पर राजपथ मा सेना कु दिखी पराक्रम, उत्तराखंडे झांकी न मोही मन
गणतंत्र दिवस पर आज दिल्ली का राजपथ मा कार्यक्रम कु आयोजन ह्वे. इंसे पेहली राष्ट्रपति रामनाथ कोविंद न ध्वजारोहण करी. जेमा सेना न दुनिया का समणिं अपणुं पराक्रम दिखे. इं मौका पर कई राज्यों की झांकी भी नजर ए. जेमा उत्तराखंडे झांकी न सब्यूं कु मन मोही. प्रदेशे झांकी मा केदारनाथ धाम नजर ए. साथ ही राज्यीय पक्षी मोनाल और राज्यीय पुष्प ब्रह्मकमल दिखी.
राज्यपाल बेबी रानी मौर्य और सीएम न फेहरे झंडा, दिनी शुभकामना
गणतंत्र दिवस का मौका पर प्रदेश मा भी कई जगहों पर कार्यक्रमों कु आयोजन ह्वे. राज्यपाल बेबी रानी मौर्य न सुबेर नौ बजी राजभवन मा ध्वजारोहण करी और प्रदेशवासियों ते शुभकामना दे. वखि, सीएम त्रिवेंद्र सिंह रावत न भी सीएम आवास पर झंडा फेहरे.
किसानों कु दिल्ली मा हिंसक प्रदर्शन, बाजपुरे किसान क मौत
गणतंत्र दिवस का मौका पर कृषि कानून का विरोध मा किसानों न दिल्ली मा हुड़दंग मचे. सुबेर ट्रैक्टर परेड मा किसानों का ओर से कई बेरीकेडिंग तोड़ी गेन. फिर किसानों न लालकिला पर कब्जा करी. इं मौका पर पुलिस दगड़ी किसानों की झड़प भी ह्वे. पुलिस न किसानों ते काबू कन्न मा फायरिंग करी. जेमा उत्तराखंड कु रुद्रपुर कु रौंण वलु एक किसाने मौत ह्वे गी.
किसान आंदोलन का बीच दिल्ली मा रात 12 बजी तक इंटरनेट बंद
देशे राजधानी दिल्ली मा गणतंत्र दिवस का मौका पर किसानों न काफी हंगामा करी. कई बसों ते तोड़ी और पुलिस कर्मियों दगड़ी मारपीट करी. जेमा कई लोग घायल छिन. वखि, गृह मंत्रालय न मामला मा दिल्ली का कई इलाकों मा रात 12 बजी तक इंटरनेट सेवा बंद कन्नो आदेश जारी करी.
किसानों कु देहरादून कूचे कोशिश, पुलिस दगड़ी झड़प
रुड़की शहर मा भी उत्तराखंड किसान मोर्चा न सैंकड़ों ट्रैक्टर का साथ देहरादून घुसने कोशिश करी. भारतीय किसान यूनियन अंबावत गुट का किसानों न देहरादून पौंछणे कोशिश करी. लेकिन पुलिस न ऊंते रोकेली. इं मौका पुलिस दगड़ी ऊंकी झड़प भी ह्वे.
कॉर्बेट टाइगर रिजर्व मा शिकार ते मुंह मा दबे दिखी बाघ
कॉर्बेट टाइगर रिजर्व का ढिकाला जोन मा बाघ कु एक वीडियो सोशल मीडिया मा खूब वायरल होंणू च. वीडियो मा बाघ एक हिरण का बच्चा ते मुंह मा दबे घुमणुं च. यू वीडियो एक पर्यटन न अपणुं मोबाइल पर कैद करी छो.
