पिछला 24 घंटा मा कोरोना का 3500 से ज्यादा केस
देश मा कोरोना कू कहर थमण कू नाम नि लेणु च. पिछला 24 घंटा मा कोरोना का 3561 केस समणी एन. वखि, मौत कू आंकड़ा पोंछी 1783. अब देश मा संक्रमितों कू आंकड़ा पोंछी 53 हजार का करीब.
फार्मा कम्पनी मा गैस लीक, 11 आदिमों की मौत
आज तड़का 2:30 बजि आन्ध्र प्रदेश का विशाखापत्तनम मा एक फार्मा कम्पनी मा गैस लीक ह्व़े. खबर लिखे जाण तक 11 आदिमों की मौत. 800 से ज्यादा लोग अस्पताल मा भर्ती छिन. उधर, आन्ध्रा हाई कोर्ट न इं मामला मा केंद्र और राज्य सरकार ते जारी करी कारण बताओ नोटिस.
पीएम- कोरोना वॉरियर्स ही छिन बुद्ध का असली अनुयायी
बुद्ध पूर्णिमा का अवसर पर प्रधानमंत्री नरेन्द्र मोदी न आज ऑनलाइन वेसाक वैश्विक समारोह मा भाग ले. उन बोली आज पूरी दुनिया कोरोना महामारी की चपेट मा च. दुनिया भर का हेल्थ वर्कर्स और अन्य सेवा कर्मी सम्मान का पात्र छिन, जो दिन रात हमते बचोंण मा लग्या छिन. वू ही बुद्ध का असली अनुयायी छिन.
48 घंटा मा नि मिली कोरोना कू नयु केस
प्रदेश में पिछला 24 घंटा मा एक भी कोरोना कू केस समणी नि ऐ. आज सबसे ज्यादा 481 टेस्ट कोरोना नेगेटिव एन. प्रदेश मा अभी कोरोना का 21 केस पॉजिटिव छिन.
पूर्व आईएएस पर अश्लील संदेश भेजनो आरोप
उत्तराखंड का एक पूर्व आईएएस अधिकारी पर सोशल मीडिया का जरिया एक मेहला ते अश्लील संदेश भेजनो आरोप च. मामला मा पीड़ित मेहला न आरोपी का खिलाफ शिकायत दर्ज करीं च. पुलिस मुख्यालय बटी नैनीताल एसपी ते मिली जांचक कमान.
शांतिकुंज प्रमुख पर दुष्कर्म कू आरोप, एफआईआर दर्ज
शांतिकुंज प्रमुख का खिलाफ एक युवती न दुष्कर्म कन्नो आरोप लगे और एफआईआर दर्ज करवे. युवती कू आरोप च कि 2010 मा शांतिकुंज प्रमुख न वेका साथ दुष्कर्म करी छो. उधर, इं मामला मा शांतिकुंज प्रमुख का तरपा बटी भी बयान ऐ कि ये उन्का खिलाफ साजिश च.
उत्तराखंड मा रिटायर्ड शिक्षकों की पेंशन मा बढ़ोत्तरी
महाविद्यालयों, विश्वविद्यालयों और तकनीकी संस्थानों से जुड़ा पेंशनर्स ते उत्तराखंड सरकार न दे राहत, अब सातवा] वेतनमान का हिसाब से मिलेली पेंशन. उत्तराखंड का वित्त विभाग न दे मंजूरी.
लॉकडाउन का बीच खनन नीति मा तीन अहम बदलाव
लॉकडाउन का कारण प्रदेश मा रुक्यां विकास कार्यों ते रफ्तार देनो काम शुरू. खनन नीति मा करी गेन तीन अहम बदलाव, अपर मुख्य सचिव ओम प्रकाश न जारी करिन नया आदेश.
फीस दबाव मा स्कूल प्रशासन पर होली एफआईआर
स्कूल म फीस बढोतरी कू मामला शासन मा चन्नू च. इं बीच नैनीताल डीएम सविन बंसल न बोली कि फीस कू दबाव पण पर अभिभावक बदल सकदिन स्कूल. यही नि स्कूल प्रशासन का खिलाफ दर्ज करवे सकदिन मुकदमा.
मई माह मा केदारनाथ धाम पर बर्फबारी
आजकल मई माह मा केदारनाथ धाम मा खूब बर्फबारी होणी च. बर्फबारी का कारण धाम कू नजारा काफी सुंदर दिखणु च. तापमान मा भारी गिरावट जारी च. तेका कारण धाम मा रुक्यां लोखुं ते होणी च भारी परेशानी.
