देश मा कोरोना कू कहर, बढ़ सकदु लॉकडाउन
देशभर मा कोरोना कू कहर जारी च. अब तक 273 लोखुं की मौत, 8356 लोगों मा संक्रमणए पुष्टि. वखि, 715 लोग ठीक होकर अपणु घोर लोटिन. इधर, राज्यों का मुख्यमंत्री का साथ बातचीत का बाद पीएम जल्द कर सकदिन लॉकडाउन बड़ोडू कू एलान.
कोरोना संकट पर मोदी सरकार कू एक्शन
कोरोना वायरस का खिलाफ केंद्र और राज्य सरकार अपनी तरपान बटी प्रयास मा लगी छिन. इं कड़ी मा मोदी सरकार न आपातकालीन और स्वास्थ्य सेवों मा 15000 करोड़ कू पैकेज देनो एलान करी.
निहंग सिखों न पुलिस वलों पर करी हमला, 7 लोग गिरफ्तार
पंजाब का पटियाला जिला मा निहंग सिखों का एक समूह न कथित तौर पर पुलिस वलू पर बोली हमला. हमलावारों न एक पुलिस वला का हाथ काटी, द्वी अन्य पुलिसकर्मी घायल. पुलिस न जवाबी कारवाई मा 7 लोखुं ते करी गिरफ्तार.
तसलीमा नसरीन की मांग, तब्लीगी जमात मा लगण चेंदु पूर्ण प्रतिबन्ध
बांग्लादेशी लेखिका तसलीमा नसरीन कू तब्लीगी जमात पर मुस्लिमों ते समाज बटी पिछने धकन्नो लगे आरोप, तब्लीगी जमात पर पूर्ण प्रतिबन्ध लगोने मांग करी.
कोटद्वार सड़क हादसा मा तीन लोखुं मौत
कोटद्वार का एकेश्वर ब्लॉक मा एक कार गहरी खाई मा फरकी. हादसा मा तीन आदिमों की मौत. बीती देर रात ह्व़े यू हादसा.
तीन दिन मा नि बढ़ी कोरोना मरीज
कोरोना संकट का बीच उत्तराखंड बटी राहते खबर, तीन दिन मा एक भी कोरोना कु मरीज नि मिली. अब तक उत्तराखंड मा 35 लोखुं मा कोरोने पुष्टि.
हाई कोर्ट मा वीडियो कांफ्रेंसिंग का जरिया होली सुनवे
नैनीताल हाईकोर्ट कू बडू फैसला, 15 अप्रैल बटी शुरू होली सुनवे. लेकिन सभी मामलों की सुनवे वीडियो कांफ्रेंसिंग का जरिया होली.
पीएम केयर फंड का जरिया लोखुं अकाउंट मा डाका
लॉकडाउन का दौरान देहरादून मा सक्रिय हव्या साइबर ठग. कोरोना का खिलाफ जंग मा मदद ते जारी पीएम केयर फंड का नाम पर होंड़ी च ऑनलाइन ठगी. पुलिस न जनता से करी सचेत रेहनो अपील.
कोरोना पहचान ते देहरादून मा एक ख़ास एप तैयार
देहरादून स्मार्ट सिटी लिमिटेड और जिला प्रशासन न एक खास ऐप IGIS Geo Locator करी तैयार. इं एप का जरिया स्वास्थ्य विभागे टीम संक्रमित और क्वारंटीन लोखुं पर रख सकली कड़ी नजर.
कोरोना संकट का बीच पुलिसवलों ते राहत
कोरोना संकट और भारी गर्मी का कारण डीआईजी अरुण मोहन जोशी न पुलिस वलों ते दे बड़ी राहत. अब आठ का बजाय सिर्फ 5 घंटा ही ड्यूटी देला पुलिसकर्मी.
