यात्रियूं का बस मां लगि आग
रामेश्वर से दर्शना बाद हल्द्वानी आ रही यात्रियूं की बस मां लगि आग, कुछ यात्रियूं तै ए मामूली चोट, बतैं जाणूं च कि बस 26 दिसंबर मां हल्द्वानी बटिं ह्वै छै रवाना.
राजकीय मेडिकल कॉलेज मां फूड कमेटी कू गठन
श्रीनगर राजकीय मेजिकल कॉलेज प्रशासनन चार सदस्यीय फूड कमेटी कू करि गठन, कमेटी मरीजों ते दैंण वला खांणू पर रखेली नजर. हर मैहना प्राचार्य ते देली रिपोर्ट.
नाबालिग से दुष्कर्म, आरोपी गिरफ्तार
बागेश्वर मां एक नाबालिग नौनी दगड़ी दुष्कर्म कू मामला, पुलिसन आरोपी ते करि गिरफ्तार. आरोपी का खिलाफ पोक्सो एक्ट का तहत मुकदमा.
नौनी अधजली लाश मिन्न से हड़कंप
शिमला बाइपास रोड पर गणेशपुर गौं का पास सड़क किनारा एक नौनी की अधजली लाश मिन्न से हड़कंप, पुलिसन शुरू करि जांच, अभी नौनी की पहचान नि ए समणीं.
आईआईटी रुड़की मां एक छात्रन खै जहर
आईआईटी रुड़की मां एक छात्रन अज्ञात कारणों से खै जहर, साथी छात्रूं बेसुध हालत मां वैते करि अस्पताल मां भर्ती, छात्र की हालत नाजुक.
रेलवे टिकट का कालाबाजारी मां आरक्षण पर्यवेक्षक गिरफ्तार
नैनीताल मां रेलवे आरक्षण केंद्र पर टिकटे कालाबाजारी मामला ऐ समणीं, सीआईबी टीमन आरोपी आरक्षण पर्यवेक्षक ते करि गिरफ्तार.
चोरोंन स्कूल का रसोई बटिं उड़ै राशन
गदरपुर मां राजकीय प्राथमिक विद्यालय ललपुरी का रसोई बटिं चोरोंन उड़े राशन, स्कूल प्रशासने शिकायत का बाद पुलिसन दर्ज करि रिपोर्ट.
जर्जर हालत मां स्कूल का दीवार
पिथौरागढ़ का राजकीय प्राथमिक विद्यालय हीपा का दीवार जर्जर, स्कूल मां पढ़्न वला 21 नौनिहाल कभी भी हो सकदा हादसा का शिकार, प्रशासन बंणयू बेखबर.
क्वेढ़ू का कारण टमाटरे खेती चौपट, मुआवजा मांग
क्वेढ़ू का कारण हल्द्वानी मां टमाटरे फसल चौपट. किसानों मां छयि मायूसी, किसानोंन प्रशासन से नुकसाने भरपाई की करि मांग.
एसपिन घायल ते अपणी गाड़ी मां बठै की पौछ्याई अस्पताल
सड़क हादसा मां घायल ह्वे एक नौना की हरिद्वार एसपी मनोज कत्यालन बचै जान, 108 एंबुलेंस का नि पौंछड़ से एसपिन खुद का गाड़ी मां बठै कि पौंछ्याई अस्पताल.
