साध्वी प्राची- राहुल और प्रियंका गांधी छन ड्रग एडिक्ट
हरिद्वार पौंछि वीएचपी नेता साध्वी प्राची कू आपत्तिजनक बयान, कांग्रेसी नेता प्रियंका गांधी और राहुल गांधी तै बतै ड्रग एडिक्ट, बोली- द्वी करदन कोकीना नशा
अगला साल शुरू होली 112 नंबर सेवा
मैहलों तै रात मां ऊंका घौर पौंछ्याली सरकारी बस, मैहला एवं बाल विकास मंत्री रेखा आर्य का मुताबिक, टोल फ्री नंबर 112 से मिलेली यी सुविधा, अगला साल जून मैहना तक शुरू होली यू सुविधा.
एसएसबी जवानन करि आत्महत्या
चंपावत मां एसएसबी जवान अक्षय वर सिंहन डूंगा पास चूका रेंज का बीपीओ मां करि आत्महत्या, बतै जांणू च जवानन अपणी सर्विस बंदूक बटिं करि छौ खुद पर फायर, आत्महत्या का कारणों कू पता नि चली.
खाई मां गिरी टाटा सूमो, एकै मौत
टिहरी मां एक टाटा सूमो बेकाबू ह्वैते खाई मां गिरि, एकै मौत, अर 6 आदिम गंभीर रुप से घायल
देवभूमि मां कुएडूं कहर, लोग चंदा कट्ठा करि कन्ना छन अंगैठे व्यवस्था
देवभूमि मां कुएडूं बढाढूं च लौंखू चिंता, विजिबिलिटी ह्वै कम, वखि रुड़की मां नगर निगमा उदासीनता का कारण नगर मां अंगैंठा की क्वि व्यवस्था नि, लोग-बाग चंदा कट्ठा करि कन्ना छन अंगैठै व्यवस्था.
गूगल नक्शा की मदद से मिलेलू पशु अस्पताल
अपणां गोरू भैंसों का इलाज कन्न वास्ता लौंखू तै इन्हें उन्हें नि भटकण पड़लू, गूगल नक्शै की मदद से लौंखू ते मिल जालू अस्पताल और डॉक्टरै जानकारी.
हिमाचल प्रदेशै तर्ज पर पौड़ी मां सेबे खेती
हिमाचल प्रदेश की तर्ज पर पौड़ी गढ़वाल मां करै जालि सेबै खेती, हिमाचलय प्रदेश बटिं अयां विशेषज्ञोंन दिनि किसानों तै जानकारी.
मास्टर विनोद मल्ल ते मिलेलू राजकीय शिक्षक गौरव सम्मान
उत्तरकाशी का राजकीय इंटर कॉलेज कंडारी का गणिता मास्टर विनोद मल्ल कू राजकीय शिक्षक गौरव सम्मान का वास्ता व्हये चयन, शिक्षकै मेरी गणित अच्छी होगी से विद्यार्थियूं तै दै नयू आयाम.
विंटर कार्निवल मां अव्यवस्थाओं से लौखूं मां गुस्सा
मसूरी विंटर कार्निवल दैंखणौं तै पौंछ्या देश-विदेश बटिं लोग, देवभूमि का संस्कृति से ह्वयां रूबरू, पर अव्यवस्थाओं से लौंखू मां गुस्सा.
अगला साल फिर शुरू होली स्टार्टअप इंडिया चैलेंज
प्रदेश सरकार और उद्योग निदेशालय अगला फरवरी मैहना मां दूसरी बार शुरू कल्ली स्टार्टअप इंडिया चैलेंज, प्रदेश का सभी 13 जिलों का स्कूल-कॉलेज का छात्रों बटिं मांगा जाला आइडिया, बेहतर आइडिया दैंण वला तै मिलेला 50 हजार तक इनाम.
