1. केदारनाथ यात्रा मा उमड़ी श्रद्धालुओं की भीड़: द्वि दिनों का बाद बर्फबारी और बरखा का बाद केदारघाटी मा खिली धूप, 18 घंटा का बाद दुबरा शुरू ह्वे केदारनाथ यात्रा, सोनप्रयाग और गौरीकुंड बटि 25 हजार से ज्यादा श्रद्धालु केदारनाथ धामा खुण ह्वेनि रवाना. घोड़ा खच्चर और यात्रियों का चलदा पैदल यात्रा मार्ग मा भि लगी जाम.
2. CM धामी ना गुंजी मा साइकिल यात्रा थै दिखाई हरी झंडी: सीएम पुष्कर सिंह धामी कू पिथौरागढ़ दौरा, यख पौंचिकि सीएम धामी ना पांखू मा कोटगाड़ी मंदिर मा करि पूर्जा अर्चना, जैका बाद व्यासघाटी पौंचि सीएम धामी ना गुंजी गौं मा करि साइकिल रैली कू उद्घाटन, वखि आज सीएम धामी पिथौरागढ़ मा करला कई विकास योजनाओं कू शिलान्यास और लोकार्पण.
3. बीजेपी संगठन की महत्वपूर्ण बैठक: उत्तराखंड बीजेपी का प्रदेश कार्यालय मा आयोजित किये ग्या पार्टी संगठन की महत्पूर्ण बैठक, बीजेपी का पदाधिकारियों और कार्यकर्ताओं थै राष्ट्रीय अध्यक्ष जेपी नड्डा ना वर्चअली करि संबोधित, आगामी लोकसभा चुनौ थै लेकि बीजेपी नेताओं थै जेपी नड्डा ना सौंपिन टास्क.
4. ग्राम प्रधान समेत 150 का खिलाफ मुकदमा दर्ज: पौड़ी मा पाबौ ब्लॉक का सपलोड़ी गौं मा पिंजरा मा कैद गुलदार थै जिंदा जलौण का मामला मा वन विभाग और पुलिस प्रशासन ना करि कार्रवाई, ये मामला मा ग्राम प्रधान समेत 150 लौखु का खिलाफ दर्ज ह्वे मुकदमा, नागदेव वन रेंज का वन दरोगा की शिकायत पर पुलिस न करि कार्रवाई.
5. भूस्खलन का चलदा यमुनोत्री हाईवे बाधित: यमुनोत्री हाईवे मा किसाल खड्ड का पास भूस्खलन हुण से वाहनों की आवाजाही बाधित, हाईवे का द्विया तरफ लगिन वाहनों की लंबे कतार, यमुनोत्री धाम जाण वला यात्री कना छिन हाईवे खुना कू इंतजार, मार्ग पर आवाजाही सुचारू कना खुण हाईवे से मलबा हटाव मा जुटयां छिन हाईवे कर्मचारी.
6. गंगोत्री हाईवे पर ह्वाई भीषण सड़क हादसा: गंगोत्री हाईवे पर कंडीसौड़ का पास ह्वाई भीषण सड़क हादसा, पैराफीट से टकरेकि गहरी खाई मा गिरी कार, दुर्घटना मा कार सवार छह लौखु की दर्दनाक मौत, पश्चिम बंगाल का रैण वला बतै जाणा छिन सबि यात्री.
7. मजदूरों ना कंपनी प्रबंधन का खिलाफ करि प्रदर्शन: सिडुकल पंतनगर मा कंपनी प्रबंधकों का खिलाफ मजदूरों ना निकाली रैली, कंपनी प्रबंधन पर मजूदरों ना लगाई शोषण कू आरोप, जिलाधिकारी कार्यालय पौंचिकि मजूदरों ना करि प्रदर्शन, डीएम थै ज्ञापन सौंपिकि मजदूरों ना करि कंपनी प्रबंधन का खिलाफ कार्रवाई की मांग.
8. हरिद्वार मा लघु व्यापार एसोसिएशन कू प्रदर्शन: हरिद्वार मा रेहड़ी पटरी व्यापारियों ना अतिक्रमण का खिलाफ कार्रवाई कू करि विरोध, लघु व्यापार एसोसिएशन का बैनर तला रेहड़ी पटरी व्यापारियों ना नगर निगम आयुक्त कार्यालय का भैर करि जोरदार प्रदर्शन, शासन-प्रशासन पर लगाई उत्पीड़न कू आरोप, नगर आयुक्त का माध्यम से सीएम धामी से भेजि ज्ञापन.
9. ड्रैगन फ्रूट की खेती से किसानों की चांदी: उधमसिंह नगर का रुद्रपुर मा किसानों की ड्रैगन फ्रूट की खेती से हुणी च लाखों की कमाई, बाजार मा बढ़दि मांग का चलदा उद्यान विभाग ना ड्रैगन फ्रूट की खेती थै कई योजनाओं मा करि शामिल, रुद्रपुर का किसानों ना ड्रैगन फ्रूट की खेती थै बणाई अपणुं आय कू जरिया.
10. बर्फबारी का बीच हेमकुंड साहिब की यात्रा जारी: बर्फबारी का बीच सिखों का पवित्र तीर्थ स्थल हेमकुंड साहिब की यात्रा चनि च, सैकड़ों की संख्या मा यात्री हेमकुंड साहिब पौंचणा छिन, वखि ये सबका बीच श्रद्धालुओं की कुछ तस्वीर सोशल मीडिया मा वायरल हुणि च, जैमा श्रद्धालु घांघरिया बटि बर्फ से ढक्यां आस्था पथ मा चलकि हेमकुंड साहिब का दरबार पौंचणा छिन.
