अपणुं उत्तराखंडः दिनभरै बड़ी खबर, एक नजर मा

दिनभरै खास खबर, एक नजर मा

नई दिल्ली मां आज भारतीय जनता पार्टी थै अपणूं पूर्णकालिक अध्यक्ष मिल गी. भाजपा का कार्यकारी अध्यक्ष जेपी नड्डा थै दिल्ली मां निर्विरोध अध्यक्ष चुणें गी. पार्टी का राष्ट्रीय चुनाव अधिकारी राधामोहन सिंहन जेपी नड्डा का अध्यक्ष बंणनै घोषणा करी.

जम्मू-कश्मीर का गुलमर्ग सेक्टर बटी लापता जवान राजेंद्र थै वापस लौंण्आ आंदोलन ह्वे तेज, जगा-जगा राजेंद्रै वापसी थै ले कै सरकार बटी पूछै जांणा छन सवाल, पूर्व सैनिक संगठनन ना एक बैठक करी दिनी सेना का प्रयासु की जानकारी

प्रदेश का पहाड़ी जनपदु और मैदानी इलाकों मां शीतलहरौ प्रकोप जारी, मौसम विभागा पूर्वानुमामा मुताबिक 2,500 मीटर से ज्यादा ऊंचाई वाला कुछ पर्वतीय इलाकों मां हल्की बूंदाबांदी का साथ ह्वे सकदी बर्फबारी .

बेमौसमी बरसातन किसानुं की फसल चौपट ह्वे गी, जैका कारण किसानुं की परेशानी बढ़ गिन, परेशान किसानुं नुकसानै भरपाई थै करी सरकार बटी मुआवजै मांग.

हरिद्वार रानीपुर मोड़ स्थित सिटी पार्क होटल मर्डर मामला मां संमणीं ऐ एक पुलिस कांस्टेबलों नौ, आरोपी पुलिस कांस्टेबला खिलाफ दर्ज करे गी दुष्कर्म और हत्या कु मामला, जांच मां जुटी पुलिस

रामनगर पुलिस न चेकिंग का दौरान एक तस्कर थै 80 किलो 370 ग्राम गांजा दगड़ि गिरफ्तार करी. पुलिस बरामद गांजै कीमत 2 लाख रुप्या से ज्यादा बथै. स्मैक तस्करा खिलाफ एनडीपीए एक्ट का तहत मुकदमा दर्ज करी जेल भेजे गी.

बाजपुर का बरहैनी-रेबड़ा नदी का किनारा एक गुलदारौ शव मिन से वन निभाग मां हड़कंप मच गी.वन विभागै टीमन न गुलदारा शव थै कब्जा मां लेकै पोस्टमार्टम करौणों भेजेली. विभागन बथै कि पोस्टमार्टम रिपोर्ट औंणा बाद ही गुलदारै मौतौ असली कारण पता चल सकलू.

टिहरी का बगियाल डांग गौं मां एक महिला मिट्टी खोदणां दौरान टीला बटी तौल पौड़ गी, या महिला द्वी घंटा तक माटा तौल दबी रैं, जै से वां गंभीर रूप से घायल ह्वे गी जैका बाद आनन-फानन में घायल महिला थै 108 मददन हॉस्पिटल मां भर्ती करै गी. जख उं कु इलाज चनु च.

नैनीताल का भीमताल डैम का अस्तित्व पर खतरा मंडरौंण लगी. ये डैम की दीवारुं मां बड़ी-बड़ी दरार औंण से कई जगहौं बटी पांणी रिसणूं च, जैका कारण कभी भी क्वी बड़ी घटना ह्वे सकदी, मगर प्रशासन थै यां की क्वी फिकर नी च.

श्रीनगरा संयुक्त अस्पताल मां बाल रोग विभाग मां चनी डॉक्टरै अब खतम ह्वे गी. आज डॉक्टर गोविंद पुजारीन संयुक्त अस्पताल मां ज्वाइनिंग करी. लोगुं ढोल नगाड़ा और आरती करी डॉक्टर गोविंद पुजारी कु स्वागत करी.

विश्व प्रसिद्ध हिमक्रीड़ा स्थल औली मां आगामी 7 से 11 फरवरी तक नेशनल स्कीइंग चैंपियनशिप शुरू हौंण वली च, यां मांसात राज्यों की टीमुं न हिस्सा लेंण , ये साल औली मां खूब बर्फबारी ह्वे, जै का कारण अबरी यख ढलानुं पर खूब बर्फ च, जु यूं खेलूं थै वरदान साबित ह्ववे सकदू