जयपुर. एक दिसंबर सू टीवी चैनल्स ( दूरदर्सन रा साधन ) री कीमत बढ़णआळी है. देस रा प्रमुख ब्रॉडकास्टिंग नेटवर्क्स वॉयकॉम, जी, स्टार अर सोनी रा थोड़ा चैनल्स आपरा गुलदस्ता सूं बारै करबा रो फैसलो करयो है. जीकै पाछै आरा दाम बढ़ा दिया गिया है.
टेलीकॉम रेगुलेटरी अथॉरिटी ऑफ इंडिया (TRAI) रा नुआ टैरिफ ऑर्डर ( किराया ) नै लागू करबा री वजह सू इैका दाम बढ़ रिया है. हालांकि इण सारु मिल्या आदेस नै लागू करबा रा बॉम्बे हाईकोर्ट का फैसला नै सुप्रीम कोर्ट रै मांय ऊंची अपील मांय भैज्यो गियो है. पण इपै तत्काल रोक कोनी लाग सकी है. अब 30 नवम्बर नै इण सारु आगली तारीख नै तय करयो गियो है.
गुलदस्ता रा चैनल रा दाम तय हुया सू बढ़्या भाव
ब्रॉडकास्टिंग नेटवर्क रा कोई भी गुलदस्ता रा चैनल री म्हीना रा दाम पैली कम सू कम 19 रिपिया तय करया गिया हा. पण TRAI रा नुआ नैम रै मांय इण रा दाम अब 19 सू घटाकै 12 रिपिया करया गिया है. थानै आ जाणकारी बता दैवा कि देस रा मांय सात टका मिनख ही न्यारा चैनल देखबा को दाम दैव है. जदकि 93 टका जणा गुलदस्ता रा भाव सू ही चैलनल देख्या करै है.
पढ़ें- भाजपा सांसद राजीव प्रताप रूडी ने उड़ाया विमान, 'पायलट' को दिल्ली से लाये जोधपुर
मान्यो जावै है कि नुआ नैम रा हिसाब सू इण चैनला रो घाटो बढ़ सकै है. जीसूं बानै घणो नुकसान व्हैला. इण वजह सू अब चैनल रा मालक आपरा न्यारा-न्यारा अर घणा रास आबाळा चैनला नै न्यारै सू भाव तय कर दिखाबा को फैसलो करयो है. आरै मांय खेल रा, सेतर विसेस रा अर लोगां रा मनोरंजन सू जुड्या दूजा चैनल सामिल व्है.
कांई है NTO 2.0 री लड़ाई
TRAI री तरफ सू मार्च 2017 रै मांय टीवी चैनल्स रा दामा नै लैर न्यू टैरिफ ऑर्डर (NTO) जारी व्हियो हो. जीरै पाछै 1 जनवरी, 2020 नै NTO 2.0 जारी हुयो. देश रा ब्रॉडकास्टिंग नेटवर्क रा समूह इंडियन ब्रॉडकास्टिंग अर डिजिटल फाउंडेशन सागै टीवी प्रोड्यूसर्स एसोसिएशन रळर इण आदेस नै बॉम्बे हाइकोर्ट में चुणौती दी ही.
30 जून नै बॉम्बे हाईकोर्ट ट्राई रा हक मांय दियो फैसलो
IBF अर दूजा अरज करता लोग बॉम्बे हाईकोर्ट रा फैसला नै सुप्रीम कोर्ट मांय चुणौती दी है. पण बानै हाल तक रोक रा आदेश कोनी मिल पाया है. ट्राई की तरफ सूं सगळा ब्रॉडकास्टिंग नेटवर्क नै बतायो गियो है कि अबार NTO पै कोई रोक कोनी है. इण कारण सू इरै मांय फैसला री पालना व्हैणी चाहिजै. सागै ही 10 दन रै मांय फैसला री पालना की बात भी कैई गई है.
