जयपुर. बॉलीवुड मांय एक और ब्याव री त्यारियां आ दिना चाल री है. फूटरी अभिनेत्री कटरीना कैफ अर विक्की कौशल रा मसला माळै कासा हतायां पाछै बाकै ब्याव री खबरां बारै आबा लागी है. अबार मिली जाणकारी रा हिसाब सू बाकै ब्याव री तारीक अर जगह तय व्हैयीगी है. कैटरीना कैफ अर विक्की कौशल रो ब्याव सवाई माधोपर जिला रा चौथ का बरवाड़ा का 700 साल पुराणा गढ़ मांय बणीजेड़ा सिक्स सेंस फोर्ट माळै हुबा का समचार मिल्या है. ब्याव री तारीक 7 सू 11 दिसंबर रै बीच व्हैयी सकै है. इनै लैर त्यारियां री बात आई है. पण हाल री बर इनै लैर बोलबा सारु कोई कोनी मिल्यो.
बता दें, बरवाड़ा रिसोर्ट री वेबसाइट 7 सू 12 दिसंबर यानि 5 दनां री ऑनलाइन बुकिंग नै बंद कर दियो है. इण सारु होटल रा प्रबंधन रो कैवणो है कि अबार की बर बुकिंग फाइनल कोनी हो सकी है. बतायो जावै है कि चौथ का बरवाड़ा रो गढ़ 14वीं सदी मांय बणीजैड़ो हो.
पढ़ें- कैटरीना कैफ ने विक्की कौशल संग शादी की अफवाहों पर तोड़ी चुप्पी, बोलीं- मैं नहीं कर रही शादी
कटरीना अर विक्की रा ब्याव री बात जीण किला रै मांय करी जावै है. बीरा ठाठ राजसी महल जीस्या है. इरै मांय तीन रेस्टोरेंट है. जीरै मांय जाण्या-प्हीचाणा खाना रा समान सागै मदिरा री सुविधा मिल्या करै. अठै री मनवार रो भी तरीको न्यारो बतायो जावै है.इण किला रै मांय एक स्पा है, जीखो जनानाखाना अर मिन्दरा रै नैड़ बतायो जावै है. सिक्स सेंस फोर्ट बरवाड़ा रो चौक अब एक बगीचा रै मांय बदलीज गियो है. इरै मांय ठोर-ठोर रा पेड़-पौधा लागीजैड़ा है.
जाणकारा रा हिसाब सू कटरीना अर विक्की आपरा ब्याव री त्यारियां सरु कर दी है. इण सारु सब्यासाची सू गाबा त्यार होबा री खबरां भी मिली है. कटरीना अर विक्की रा ब्याव री खबरां आयां पाछै आ दोन्यू रा चाबाळा भी कासा राजी दिख रिया है अर अब ब्याव री तारीक नै अड़ीक रैया है.
