लोकनायक जयप्रकाश सपाखाना मांय लागी लाय, बळर राख व्हैयो बैठक रो कमरो

दिल्ली रा लोकनायक जयप्रकाश सपाखाना मांय चाणचूकी लाय लागबा सू बैठक रा कमरा कै बळबा रा समचार है. इण मामला मांय कोई नै चोट कोनी आई है. पण सगळो समान बळर राख व्हैयी गियो.

जयपुर. लोकनायक जयप्रकाश सपाखाना रा आपातकाल खाना रै मांय दीतवार मोड़ा रात नै लाय लाग गी. इण समचार नै मिस्या पाछै लाय बुझावण री 6 गाडियां मौका माळै पूगी. जीपै घणा जतन पाछै काबू पायो गियो. बड़ी बैठक रै मांय लाय लागबा सू सगळो समान राख व्यैगी गियौ. पुलिस हादसा रो कारण हैरबा मांय लाग्योड़ी है.

आग बुझावण रा विभाग रा प्रमुख अतुल गर्ग बतायो कि लाय लागबा रा समचार मोड़ा रात नै 12 बजर 20 मिनट माळै लाग्या हा. जीरै मांय लाय लागबा री जाणकारी मिली अर खियो गियो कि आपातखाना रै मांय हादसो व्हियो है. जीरै पाछै एक-एक कर छह गाड़ियां नै मौका पै भेज्यो गियो. इण बैठक रै मांय चार्जिंग रो समान, बैटरी अर गद्दा बळबा का समचार मिल्या है. बतायो जावै कि भूतल री बड़ी बैठक मांय जदै लाय लागी, उण समय उठै कोई कोनी हा. जीसू जान री हानि नै टाळ दियो गियो.

पुलिसरो हादसा नै लैर कैवणो हैै कि मामला सारु एक प्राथमिकी नै दरज कर लियो गियो है. अब इरौ पतो लगायो जासी कि हादसा रो काई कारण रियो. अर सपाखाना रा प्रमुख रा बयान पाछै इण जांच सारु विसेस जाणकारा रा दल नै भी मौका पै भैज्यो ज्यासी.