आज ले सरकारी काउंटर म बेचाही प्याज, बाढ़े किमत ले मिलही राहत

प्याज के बाढ़त किम्मत ले राहत दे बर सरकार ह आम आदमी मन बर सरकारी काउंटर खोले के फैसला करे हे. ए काउंटर के सुरुआत आज ले करे जाहि. आंध्रप्रदेस अउ महाराष्ट्र के कई जिला म होए बिक्कट बारिस के सेती पुराना अउ नवा प्याज मन खराब हो गेहे. जेखर सेती प्याज के भाव ह बाढ़े हे. सरकार सुरुआती बेरा म ऐ स्टाल ल चार जगह लगाहि जेनमा थोक बाजार के भाव म प्याज बेचे जाहि.