VIDEO: छत्तीसगढ़िया खेल के रंग म रंगे दिखिस सीएम अउ राज्यपाल

रायपुरः स्वामी विवेकानंद जयंती के उपलक्ष म राजधानी के साइंस कॉलेज म तीन दिवसीय युवा महोत्सव के आयोजन करे गे हवय. महोत्सव म छत्तीसगढ़ के पारंपरिक खेल भौंरा, बाटी अउ पिट्ठुल ल सामिल करे गे हवय. महोत्सव म सामिल होए बर पहुंचे राज्यपाल अनुसुइया उइके ह जिहा पारंपरिक खेल पिट्ठुल खेलिस अउ खेल के आनंद उठईस. त ओही दूसर कोती मुख्यमंत्री,पीसीसी चीफ मोहन मरकाम अउ रायपुर नगर निगम के नवनिर्वाचित महापौर एजाज ढेबर बाटी खेलत दिखिस. ए आयोजन म मुख्यमंत्री भूपेश बघेल ह खुद गेड़ी म चढ़के कार्यक्रम म चार चांद लगा दिस. सीएम बघेल के संगे-संग पीसीसी चीफ घलो गेड़ी म चढ़ीस अउ खेल के मजा लिस.