કપડવંજ પાસે બાઈક અને આઇસર વચ્ચે અકસ્માતમાં બે ના મોત, લોકોએ આઇસરને આગ ચાંપી

ખેડાઃ કપડવંજ તાલુકાના મોતીપુરા પાટિયા પાસે રાત્રે બાઈક અને આઇસર ટેમ્પો વચ્ચે અકસ્માત સર્જાયો હતો. જેમાં બાઈક પર સવાર વ્યક્તિ અને તેમના બે વર્ષીય પુત્રનું ઘટના સ્થળે જ મોત નીપજ્યું હતું. જયારે એક મહિલા ઈજાગ્રસ્ત થઇ હતી. જેને તાત્કાલિક સારવાર માટે હોસ્પિટલ ખસેડવામાં આવી હતી. આ અકસ્માતને પગલે ગ્રામજનોમાં ભારે રોષ ફેલાયો હતો. લોકોએ ઉશ્કેરાઈને આઇસરને આગ ચાંપી હતી. જે બાદ કપડવંજ પોલીસ ઘટના સ્થળે પહોંચી કાર્યવાહી હાથ ધરી હતી.