ઈડરના સાબલવાડ ગામે ગણેશ વિસર્જન સમયે જૂથ અથડામણ, 4 લોકો ઈજાગ્રસ્ત

સાબરકાંઠા: ઇડર તાલુકાના સાબલવાડ ગામમાં બે દિવસ પહેલા ગણેશ વિસર્જન સમયે બે જૂથ વચ્ચે સામાન્ય બોલાચાલી થઇ હતી. જેને પગલે શનિવારે રાત્રે બે જૂથ સામ સામે આવી જતાં સમગ્ર ગામમાં હંગામો સર્જાયો હતો. પોલીસે તાત્કાલિક ધોરણે રાત્રીના સમયે પહોંચી ચુસ્ત બંદોબસ્ત ગોઠવી સમગ્ર પરિસ્થિતિને કાબૂમાં લીધી હતી. પોલીસ પહોંચે તે પહેલા ગામ સામે થયેલી જૂથ અથડામણમાં ચાર લોકોને ઈજાઓ પહોંચી હતી. જે તમામને સારવાર અર્થે હોસ્પિટલ ખાતે ખસેડવામાં આવ્યા હતાં. આ બનાવને લઇને બંને જૂથ દ્વારા સામ સામે પોલીસ ફરિયાદ પણ નોંધાઈ છે.