ટ્રકને આંતરી 6 અજાણ્યા શખ્સોએ ચલાવી લૂંટ, થરાદ પોલીસ મથકે ગુનો નોંધાયો

બનાસકાંઠાઃ જિલ્લાના લાખણી તાલુકાના પેપરાળ ગામ પાસે રોબરીની ઘટના સામે આવી હતી. જેમાં રાજસ્થાનથી જીરું ભરી ઊંઝા તરફ જઈ રહેલી ટ્રકને લાખણીના પેપરાળ ગામ પાસે 6 અજાણ્યા શખ્સો ગાડી લઈ આવી ટ્રક ચાલક પર પથ્થર અને પટ્ટા વડે હુમલો કર્યા હતો અને તેમની પાસે રહેલા 30 હજાર રૂપિયા લઈ ફરાર થઈ ગયા હતા. આ સમગ્ર ઘટના બાજુમાં આવેલા કારસ્થાન હોટલના CCTV કેમેરામાં કેદ થઈ હતી. જે બાદ આ સમગ્ર ઘટનાની જાણ ટ્રક ચાલકે થરાદ પોલીસ મથકમાં કરતા હાલ થરાદ પોલીસે અજાણ્યા 6 શખ્સો વિરૂદ્ધ લૂંટનો ગુનો નોંધી વધુ તપાસ હાથ ધરી છે.