સુરેન્દ્રનગરઃ ગુનાઓ આચરતી ગેંગના 6 શખ્સોની ગુજસીટોક એક્ટ હેઠળ અટકાયત કરાઈ

સુરેન્દ્રનગરઃ જિલ્લામાં પોલીસ દ્વારા સૌ પ્રથમ ગુજસીટોક એક્ટ હેઠળ ગુનો દાખલ કરવામાં આવ્યો છે. રાજકોટ રેન્જ આઇ.જી‌ સહિત જિલ્લા પોલીસવડાની સૂચના અને માર્ગદર્શન હેઠળ LCB પોલીસે 6 શખ્સોની ગુજસીટોક એક્ટ હેઠળ અટકાયત કરી હતી. હત્યા, સામુહિક દુષ્કર્મ, અપહરણ, ગેરકાયદેસર હથિયાર, ખંડણી, લૂંટ, ધાડ, હાઈવે ચોરી સહીતના અનેક ગુનાઓ આચરતી ગેંગના 6 શખ્સો સામે પોલીસે ગુજસીટોક એક્ટ હેઠળ કાયદેસરની કાર્યવાહી હાથ ધરી છે.