રાજકોટ પોલીસે મહિલાઓની સુરક્ષા માટે બનાવી એપ, અંજલી રૂપાણીએ કરાવ્યો શુભારંભ

રાજકોટઃ દેશમાં મહિલાઓ પર થઈ રહેલા અત્યાચારને લઈને પોલીસ એલર્ટ થઈ છે. ત્યારે રાજકોટ પોલીસ દ્વારા મહિલાઓ અને યુવતીઓની સુરક્ષા માટે ખાસ સુરક્ષિતા એપનું નિર્માણ કરવામાં આવ્યું છે. આ એપના સંચાલન માટે દુર્ગાશક્તિ નામની મહિલા ટીમ પણ બનાવવામાં આવી છે. 24 કલાક મહિલાઓ માટે કાર્ય કરશે. રાજકોટના દરેક પોલીસ મથકમાં દુર્ગા શક્તિ ટીમમાંથી 4 મહિલા પોલીસ કોન્ટેબલ હાજર રહેશે.રાજકોટ પોલીસ હેડક્વાર્ટર ગ્રાઉન્ડ ખાતે આ એપનું મુખ્યપ્રધાન રૂપાણીના પત્ની અંજલી રૂપાણી તેમજ રાજકોટના મેયર બીનાબેન આચાર્ય દ્વારા અનાવરણ કરવમાં આવ્યું હતું. રાજ્યમાં પ્રથમ વખત મહિલાઓ અને યુવતીઓની સુરક્ષા માટે રાજકોટ પોલીસ દ્વારા ખાસ આ પ્રકારની એપનું નિર્માણ કરવામાં આવ્યું છે.