રાજકોટની 8 સોસાયટીના લોકો હજુ પણ પ્રાથમિક સુવિધાથી વંચિત

રાજકોટ: શહેરની ભાગોળે આવેલ મહિકા ગામની હદમાં આવતા વિસ્તારમાં હજીપણ પાયાની પ્રાથમિક સુવિધાઓથી લોકો વંચિત છે. 8 સોસાયટીના અંદાજીત 5 હજાર કરતા વધુ રહેવાસીઓ આ પરિસ્થિતિનો સામનો કરી રહ્યા છે. જેને બુધવારના રોજ વિસ્તારના મોટાભાગના રહેવાસીઓ રાજકોટ જિલ્લા કલેક્ટરને આવેદનપત્ર આપવા માટે આવ્યા હતા. કલેક્ટર કચેરી બહાર સ્થાનિકો દ્વારા ભારે સૂત્રોચ્ચાર કરવામાં આવ્યો હતો. ત્યારબાદ જિલ્લા કલેક્ટરને પોતાના પ્રશ્નો અંગે આવેદનપત્ર પાઠવ્યું હતું. ઉલ્લેખનીય છે કે વિસ્તારવાસીઓ દ્વારા ચીમકી પણ ઉચ્ચારી હતી કે જો વહેલી તકે તેમની સમસ્યાનું નિવારણ નહિ આવે તો આગામી દિવસોમાં તેમના દ્વારા ઉગ્ર આંદોલન પણ કરવામાં આવશે.