પોરબંદરમાં યુવાનની હત્યાની અફવા સાથે વીડિયો વાયરલ, જાણો શુ છે હકીકત?

પોરબંદરઃ ગુરૂવાર બપોરના સમયે પોરબંદરની બાલુબા સ્કૂલ પાસે યુવાન બેભાન હાલતમાં મળી આવતા 108 દ્વારા સારવારમાં ખસેડવામાં આવ્યો હતો. જે બાદ આ યુવાન પર હુમલો થયો હોવાની અને તેનું જામનગર ખાતે સારવાર દરમિયાન મોત થયું હોવાની અફવા ફેલાઈ હતી. આ મામલે તપાસ કરતા આ યુવાન જીવિત હોવાનું અને સિવિલમાં સારવાર હેઠળ હોવાનું સામે આવ્યું હતું. પ્રાપ્ત માહિતી અનુસાર સિકંદર નામનો આ યુવાન કોઈ કારણોસર બેભાન થઈ જતા તેને હોસ્પિટલ સારવાર અર્થે ખસેડાયો હોવાનું પણ ખુલ્યું હતું.