ભાવનગરની હોસ્પિટલમાં ડૉક્ટર અને સિક્યુરિટી ગાર્ડ પર હુમલો

ભાવનગર: શહેરના કરચલિયા પર વિસ્તારમાં યુવાને ગળાફાંસો ખાઈ લેતા હોસ્પિટલ લાવવામાં આવ્યો હતો. જ્યાં પરિવારની ડૉક્ટર સાથે બોલાચાલી થઈ હતી. આ બોલાચાલીમાં મૃતકના પરિવારના સભ્યો ઉશ્કેરાઈ જતા ડૉક્ટર અને સિક્યુરિટી ગાર્ડ પર છરી વડે હુમલો કર્યો હતો. બન્નેને ઇજા થતાં સારવાર માટે ખસેડવામાં આવ્યાં હતાં. આ બનાવને પગલે પોલીસ કાફલો ઘટના સ્થળે દોડી આવ્યો હતો. એલ.સી.બી, એસ.ઓ.જી સહિત ડી.વાય.એસ.પી સર ટી હોસ્પિટલ પહોંચી હુમલો કરનારની શોધખોળ હાથ ધરી હતી.