ટ્રક અને બાઈક વચ્ચે અકસ્માત, માતા-પુત્રનું મોત

ભાવનગરઃ શહેરનાં ગૌરવ પથ પર સ્પીડ બ્રેકર હટાવતાની સાથે જ અકસ્માત સર્જાયો હતો. એક બાઈક પર દંપતિ તેમના બાળક સાથે જઈ રહ્યાં હતા. આ દરમિયાન આ બાઈક ચાલકને ટ્રકે હડફેટે લીધો હતો. અકસ્માત સર્જી ટ્રક ચાલક ફરાર થઈ ગયો હતો. આ અકસ્માતમાં બાઈક પર સવાર 3 લોકોમાંથી મહિલા અને બાળકનું ઘટના સ્થળે જ મોત નિપજ્યું હતું. જ્યારે બાઈક ચાલકને સામાન્ય ઈજા થતા સારવાર અર્થે દવાખાને ખસેડાયો હતો.