Gir Somnath: તાલાલા ભાજપના ધારાસભ્ય ભગવાન બારડે 10 કલાક વીજળી આપવાની કરી માંગ

ગીર સોમનાથ : ગીર સોમનાથ જિલ્લાના તાલાલા બેઠક પરના ભાજપના ધારાસભ્ય ભગવાન બારડે રાજ્યના ઊર્જાપ્રધાનને પત્ર લખીને ગીર સોમનાથ જિલ્લાને ખેતીલાયક વીજળી 10 કલાક આપવાની માંગ કરી છે. ગઈકાલે રાજ્ય સરકારે ખેતીલક્ષી વીજળી 10 કલાક આપવાની જે જાહેરાત કરી છે તે જિલ્લામાં સોમનાથ જિલ્લાનો સમાવેશ કરાયો નથી. જેથી ધારાસભ્યે આજે પત્ર લખીને ગીર સોમનાથ જિલ્લાનો સમાવેશ સરકારની યોજનામાં થાય તેવી માંગ કરી છે. ગઈ કાલે જિલ્લાના ખેડૂતોએ વરસાદની ઘટ અને ખેંચની સામે પાણી હોવા છતાં પણ ખેડૂતો ચોમાસુ પાકને પીયત આપી શકતા નથી આવી સ્થિતિમાં ખેડૂતોમાં ભારે રોષ જોવા મળતો હતો. ત્યારે ગઈકાલે રાજ્ય સરકારે જે જાહેરાત કરી તેમાં પણ ગીર સોમનાથ જિલ્લાનો સમાવેશ કરાયો ન હતો. ત્યારે આજે તાલાલાના ધારાસભ્ય ભગવાન બારેડે રાજ્યના ઊર્જાપ્રધાન કનુભાઈ દેસાઈને પત્ર પાઠવીને જિલ્લાનો સમાવેશ 10 કલાક વીજળી આપવાની સરકારી યોજના અંતર્ગત કરવામાં આવે તેવી માંગ કરી છે.