ઉજ્જૈનમાં શાળાના બાળકોને લઈ જતી વેન પલટી, ડ્રાઈવરનું મોત અને 19 ઈજાગ્રસ્ત, જૂઓ લાઈવ વીડિયો...

ઉજ્જૈન, મધ્યપ્રદેશ : દેવાસ રોડ પર આવેલા ચંદેસરા ગામ પાસે બાળકોને શાળાથી ઘરે લઈ જતું મેજિક વાહન અચાનક પલટી જતાં ચાલકનું ઘટનાસ્થળે જ મોત નીપજ્યું હતું. અકસ્માતનું 10 સેકન્ડનું CCTV ફુટેજ પણ સામે આવ્યું છે, જેના પરથી અંદાજ લગાવી શકાય છે કે મેજિક વાહન ખૂબ જ સ્પીડમાં જઈ રહ્યું હતું. બાળકોનો આરોપ છે કે, ડ્રાઈવર ગીત સાંભળતો સાંભળતો ગાડી ચલાવી રહ્યો હતો. અકસ્માત સમયે મેજિક વાહનમાં 21 બાળકો સવાર હતા, જેમાંથી 19 ઈજાગ્રસ્ત થયા છે. આ ઉપરાંત, ચાર બાળકોની હાલત નાજુક છે, આથી તમામની સારવાર ચાલી રહી છે. કલેક્ટર દ્વારા રચવામાં આવેલી ટીમ સમગ્ર મામલે તપાસમાં લાગેલી છે.