રાજકોટમાં ST બસ પોર્ટમાં બસ ડ્રાઈવરે યુવકને અડફેટે લેતા ઘટના CCTVમાં કેદ
રાજકોટમાં ST બસ પોર્ટમાં એસટી બસના ડ્રાઈવરે એક યુવક પર બસ ચઢાવી દીધી હતી, ત્યારબાદ યુવકને હોસ્પિટલ ખસેડવામાં આવ્યો હતો. જોકે, આ સમગ્ર મામલો દબાવવાનો પ્રયાસ કરવામાં આવ્યો હતો, પરંતુ આ ઘટના CCTV કેમેરામાં કેદ થઈ ગઈ હતી અને આ વીડિયો સોશિયલ મીડિયા પર વાઈરલ થઈ ગયો હતો. પોલીસ CCTV કેમેરાના આધારે તપાસ કરશે. યુવકના ભાણેજ દિપક પરમારે બસના ડ્રાઈર સામે એ ડિવિઝન પોલીસમાં ફરિયાદ નોંધાવી છે, જેમાં તેણે જણાવ્યું હતું કે, તેના મામા રાજેશ વાઘેલા ચાલીને જતા હતા. તે દરમિયાન બસ ડ્રાઈવરે બેદરકારીપૂર્વક તેમના મામા પર બસ ચઢાવી દીધી હતી.