રાજકોટઃ રાજવી પરિવારના માંધાતાસિંહજીએ વિન્ટેજ કારમાં આવી મતદાન કર્યું

રાજકોટઃ મહાનગરપાલિકાની ચૂંટણી માટેનું મતદાન આજે ચાલી રહ્યું છે ત્યારે લોકો વધુ મતદાન કરે તે માટે નેતાઓ સહિતના અનેક નામી વક્તિઓ દ્વારા અપીલ કરવામાં આવતી હોય છે ત્યારે રાજકોટના રાજવી પરિવારના માંધાતાસિંહજી રાજકોટ સ્ટેટ 7 લખેલી વિન્ટેજ કારમાં પરિવાર સાથે મતદાન કરવા મતદાન મથકે પહોંચ્યાં હતા અને મતદાન કર્યુ હતું. જે વિન્ટેજ કારમાં તેઓ મતદાન કરવા આવ્યા હતા તે રાજપરિવારની વિશિષ્ટ પેકકાર્ડ ક્લીપર (7 સીટર કસ્ટમ સુપર 8 સિલિન્ડર) મોડલ વર્ષ 1947ની કાર છે. આ કાર 'પોસ્ટ વોર અમેરિકન બેસ્ટ ઇન ક્લાસ' શ્રેણીમાં 8મી એડિશન 21 Gun Salute International Vintage Car Rally & Concours Show D’ Elegance 2020માં પ્રથમ ઇનામ મેળવી ચુકી છે.