વડોદરાના કરજણ પાસે ઈસ્કોન પેપર મીલમાં આગ, ફાયર બ્રિગેડે જાહેર કર્યો મેજર કોલ

વડોદરા: કરજણ ટોલનાકા પાસે આવેલી ઈસ્કોન પેપર મીલમાં શુક્રવારે મોડીસાંજે અચાનક આદ લાગી હતી. અચાનક લાગેલી આગે વિકરાળ સ્વરૂપ ધારણ કરી લેતા સમગ્ર બિલ્ડીંગ આગની ઝપેટમાં આવી ગઈ હતી. બનાવની જાણ ફાયર બ્રિગેડને કરવામાં આવતા મેજર કોલ જાહેર કરવામાં આવ્યો છે. આગ પર કાબૂ મેળવવા માટે વડોદરા તેમજ પાદરા ફાયર બ્રિગેડના લાશ્કરો ઘટનાસ્થળે પહોંચી ગયા હતા અને મોડીરાત સુધી આગ પર કાબૂ મેળવવાની કામગીરી ચાલુ રહે તેવી શક્યતાઓ સેવાઈ રહી છે.