શિમલાના અનેક વિસ્તારોમાં હિમવર્ષા, 2 દિવસ માટે ઓરેન્જ એલર્ટ

શિમલાઃ હિમાચલ પ્રદેશમાં હવામાન વિભાગની ચેતવણી બાદ વરસાદ અને બરફવર્ષાનો સમયગાળો શરૂ થયો હતો. રાજધાની શિમલામાં, જ્યાં સવારથી વરસાદ પડ્યો હતો, બરફવર્ષા થવાનું શરૂ થયું છે. કુફરી નરકંડામાં પણ બરફ પડી રહ્યો છે. હવામાન વિભાગે બે દિવસથી ભારે બરફવર્ષા અને વરસાદ માટે ઓરેંજ એલર્ટ જારી કર્યુ છે. જેના કારણે રાજ્યના ઘણા ભાગોમાં ભારે હિમવર્ષાની સંભાવના છે. રાજ્યમાં બે દિવસ પહેલા હિમવર્ષા થઈ હતી. જેના કારણે તાપમાનમાં ભારે ઘટાડો થયો હતો અને ઘણા જિલ્લાઓમાં તાપમાન માઈનસમાં ચાલી રહ્યું છે, લોકોની મુશ્કેલીઓ વધી શકે છે.