બેકાબૂ કારે ફૂટપાથ પર ચાલતા લોકોને મારી ટક્કર, જુઓ વીડિયો

બેંગલુરુ: કર્ણાટકના બેંગલુરુમાં બેકાબૂ કારનો એક ભયાનક વીડિયો સામે આવ્યો છે. નશાની હાલતમાં કાર ચાલકે ફુટપાથ પર કાર ચડાવી દેતા ગમખ્વાર અકસ્માત સર્જાયો હતો. કાર ચાલકે 7થી 8 લોકોને હડફેટે લેતા તેઓ હવામાં ફંગોળાયા હતા. ઘટનાની જાણ થતા જ પોલીસ ઘટના સ્થળે પહોંચીને કારના ચાલકની ધરપકડ કરી હતી અને આ અંગે વધુ તપાસ હાથ ધરી છે. જ્યારે ઈજાગ્રસ્તોને હોસ્પિટલમાં દાખલ કરવામાં આવ્યા છે.