ન્યૂઝ ડેસ્ક: આપણું સ્વાસ્થ્ય (Health) ને તંદુરસ્ત અને સ્ફુર્તિલું રાખવા માટે દિનચર્યા દરમિયાન કેટલીક સારી આદતો પાડવી ફાયદાકારક છે. શરીરને રારૂં રાખવા માટે કેલટલીક વસ્તુઓ નિયમિત સ્વરૂપે આરોગવાથી ઘણા બધા ફાયદા છે. પણ કેટલીક વસ્તુઓ એવી પણ હોય છે, જે નિયમિત લઈ શકાય નહિં. ઘણીવાર લોકો રાત્રે પૂરતી ઊંઘ લીધા પછી પણ સવારે થાક અનુભવે છે અને તેમનો આખો દિવસ સુસ્તીમાં પસાર થાય છે. સવારે વહેલા ઉઠતા તમને જે સુસ્તી લાગે છે તેને દૂર કરવા અને શરીરને એનર્જી આપવા માટે તમારે આ ચાર ખાદ્યપદાર્થો (Pumpkin seeds and walnuts) નું સેવન કરવું જોઈએ. આનાથી તમને દિવસભર અથાક કામ કરવાની શક્તિ તો મળશે જ, પરંતુ ઘણી બીમારીઓનું જોખમ પણ ઘટશે.
પાણી: જેમ તમારા શરીરને લાંબા સમયના અંતરાલ પછી સૌથી પહેલા નાસ્તાની જરૂર હોય છે, તેમ તેને પાણીની પણ જરૂર હોય છે. તમારે સવારે સૌ પ્રથમ શરીરને હાઇડ્રેટ કરવું જોઈએ. આના માટે સૌથી સારો રસ્તો એ છે કે, રાત્રે પથારી પાસે પાણીની બોટલ સાથે સૂવું અને સવારે વહેલા ઉઠતા પહેલા પુષ્કળ પાણી પીવું. ઘણી વખત આપણે ડિહાઈડ્રેશનને સવારના થાક તરીકે લઈએ છીએ. તેથી, જો તમે સવારે ઉઠતાની સાથે જ પુષ્કળ પાણી પીશો, તો તમારી આ ગેરસમજ ઓછામાં ઓછી દૂર થઈ જશે.
કોળાના બીજ: તાજેતરના વર્ષોમાં, કોળાના બીજને તંદુરસ્ત નાસ્તાના વિકલ્પ તરીકે ગણવામાં આવે છે. આના ઘણા કારણો પણ છે, કોળાના બીજમાં મેગ્નેશિયમ, કોપર, પ્રોટીન અને ઝિંક ભરપૂર માત્રામાં હોય છે. આ નાના બીજ લોહીમાં ગ્લુકોઝના સ્તરને સંતુલિત કરે છે. તેમાં ટ્રિપ્ટોફેનનું પ્રમાણ ઘણું વધારે હોય છે. તે એક પ્રકારનો એમિનો એસિડ છે જે સ્વાસ્થ્ય માટે ફાયદાકારક છે. તેથી જો તમે એક ચમચી બીજ ખાશો તો તમારી સવારની શરૂઆત ખૂબ જ સારી થઈ શકે છે.
અખરોટ: જો તમે દિવસભર તમારા શરીરમાંથી કામ લેવા માંગતા હોવ, તો તમને તમારા શરીર માટે અખરોટ કરતાં વધુ સારું બળતણ નહીં મળે. તેમાં વિટામિન બી6, થાઇમીન, ફોલિક એસિડ, ફોસ્ફરસ, મેગ્નેશિયમ અને કોપર ભરપૂર માત્રામાં હોય છે. સવારે શરીરને એનર્જી આપવા માટે આ એક ઉત્તમ ખાદ્ય પદાર્થ છે. તે ડાયેટરો માટે એક ઉત્તમ પસંદગી છે અને કુદરતી રીતે સોડિયમ, ગ્લુટેન અને કોલેસ્ટ્રોલ મુક્ત છે. અખરોટમાં રહેલા ઓમેગા 3, ઝિંક, સેલેનિયમ, પ્રોટીન અને વિટામિન બીની વિપુલ માત્રા તમારી રોગપ્રતિકારક શક્તિને પણ વધારે છે.
બદામ: આપણા ઘરના વડીલોથી માંડીને મોટા પોષણશાસ્ત્રીઓ સુધી સવારે ખાલી પેટ પલાળેલી બદામ ખાવાની ભલામણ કરવામાં આવે છે, પરંતુ આ ઉપરાંત વજન ઘટાડવા, હાડકાંની તંદુરસ્તી, મૂડ સુધારવા, હૃદયરોગનો ખતરો ઓછો કરવા, બદામ કેન્સરથી બચાવે છે. ડાયાબિટીસમાં તે જોખમ પણ ઘટાડે છે. તે લોહીમાં એન્ટીઓક્સીડેન્ટ પણ વધારે છે. તે બ્લડ પ્રેશર ઘટાડે છે અને રક્ત પ્રવાહમાં સુધારો કરે છે. આ તમારી નસોમાં વધુ ઓક્સિજનયુક્ત લોહી પંપ કરે છે.
