હૈદરાબાદ: આજે પૌષ્ટીક અને સ્વાદિષ્ટ ફળને મનાવવા માટે એક ખાસ દિવસ છે. વિશ્વ નારિયેળ દિવસ દર વર્ષે 2 સપ્ટેમ્બરે ભારત સહિત એશિયા પેસિફિક ક્ષેત્રના કેટલાક દેશોમાં ઉજવવામાં આવે છે. એશિયન પેસેફિક કોકોનટ કલ્ચરે આ દિવસને 2009માં ઉજવવાનો શરુ કર્યો હતો. આ દિવસની ઉજવણીનો મુખ્ય ઉદ્દેશ્ય નારિયેળના ફાયદા અને મહત્વ વિશે જાગૃતિ લાવવાનો છે. ભારતના 20 રાજ્યોમાં નાળીયેરીનું ઉત્પાદન લેવામાં આવે છે, જે પૈકી ગુજરાત રાજ્ય દેશમાં નાળીયેરીના ઉત્પાદનમાં છઠ્ઠા સ્થાને છે.
દર વર્ષે વિશ્વ નાળિયેર દિવસનું આયોજન કરે છે: સ્વાસ્થ્ય અને સંસ્કૃતિમાં નાળિયેળના અનેક યોગદાનો છે. આ દિવસ ખાસ કરીને પેસિફિક અને એશિયન પ્રદેશોના દેશોમાં ઉજવવામાં આવે છે કારણ કે તેઓ વિશ્વભરમાં નારિયેળના પ્રાથમિક ઉત્પાદકો છે. એશિયન પેસિફિક કોકોનટ કોમ્યુનિટી (APCC) એ સૌપ્રથમવાર જકાર્તામાં વિશ્વ નારિયેળ દિવસની શરૂઆત કરી. APCC આ બહુમુખી ઉષ્ણકટિબંધીય ફળને પ્રકાશિત કરવા અને પ્રોત્સાહન આપવા માટે દર વર્ષે વિશ્વ નાળિયેર દિવસનું આયોજન કરે છે. ઈન્ડોનેશિયા વિશ્વમાં સૌથી વધુ નારિયેળ ઉત્પાદક દેશ છે. ફિલિપાઈન્સ બીજા ક્રમે છે અને નારિયેળના ઉત્પાદનમાં ભારત ત્રીજા ક્રમે છે. આ નારિયેળમાં અનેક ગુણો છે
જાણો નારિયેળના ફાયદા વિશે
હેલ્ધી ફેટ્સથી ભરપૂર: નારિયેળની ક્રીમમાં હેલ્ધી ફેટ્સ જોવા મળે છે જે વજન ઘટાડવા, પાચન અને ચયાપચય માટે સારું માનવામાં આવે છે.
પોલીફેનોલ્સથી ભરપૂર: કોકોનટ ક્રીમમાં પોલીફીનોલ્સ હોય છે જે શરીરને અનેક રોગો સામે લડવામાં મદદ કરે છે.
પરેજી પાળવાનો સારો વિકલ્પઃ જેઓ અખરોટ-મુક્ત આહારનું પાલન કરે છે તેમના માટે આ એક ઉત્તમ વિકલ્પ છે.
પોષક તત્વોથી ભરપૂર: નારિયેળની મલાઈમાં પોષક તત્વોનું પ્રમાણ વધુ હોય છે. તેમાં સંતૃપ્ત ચરબી પણ ઓછી હોય છે
રોગપ્રતિકારક શક્તિને મજબૂત બનાવે છે: નારિયેળ પાણીની જેમ તેનું દૂધ પણ રોગપ્રતિકારક શક્તિને વધારે છે. તેના દૂધમાં લૌરિક એસિડ હોય છે, જે તેના એન્ટિ-સેપ્ટિક ગુણધર્મો માટે જાણીતું છે. તે શરીરને બેક્ટેરિયા, વાયરસ અને ફૂગથી થતા ચેપ સામે લડવામાં મદદ કરે છે.
બ્લડ પ્રેશરને કાબૂમાં કાબુમાં રાખે છેઃ નારિયેળ પાણી ચહેરાની ચમકમાં વધારો કરે છે. નારિયેળ પાણીના સેવનથી ક્યારેય ડિહાઈડ્રેક્શનની સમસ્યા થતી નથી. નારિયેળ પાણીમાં રહેલા પોષક તત્વો હાઈ બ્લડ પ્રેશરને કાબૂમાં રાખવામાં મદદ કરે છે.
આ પણ વાંચોઃ
