વાપી ટાઉન પોલીસે દારૂ સહિતના મુદ્દામાલ સાથે 2 ઇસમોને ઝડપ્યાં

વાપી ટાઉન પોલીસ પેટ્રોલિંગમાં હતી તે દરમિયાન દમણ તરફથી આવી રહેલી BMW કારની તપાસ કરતા કારમાંથી 5400નો દારૂ મળી આવ્યો હતો. વાપી ટાઉન પોલીસે દારૂ સહિતના મુદ્દામાલ સાથે 2 ઇસમોને ઝડપી પાડ્યા હતા.

• કાર અને દારૂ સાથે મુંબઈના તબીબ સહિત 2 ઝબ્બે
• આરોપીઓ ‌‌BMW કારમાં દારૂ ભરી દમણ ફરવા આવ્યા હતા
• વાપી ટાઉન પોલીસે 2 આરોપીઓને ઝડપી પાડ્યા

વલસાડઃ વાપી ટાઉન પોલીસનો સ્ટાફ ચલા ગોલ્ડ કોઇન સર્કલ પર વાહન ચેકિંગમાં હતો. તે દરમિયાન દમણ તરફથી આવી રહેલી BMW કારમાંથી 5400ના દારૂ સાથે મુંબઈના તબીબ અને કંપનીના પ્રોડક્શન હેડની અટક કરવામાં આવી હતી. 25 લાખની કાર સહિત 5400નો દારૂ જપ્ત કરી વધુ તપાસ હાથ ધરી હતી.

ઝડપાયેલા આરોપીની પૂછપરછ કરાય

ઝડપાયેલા આરોપીની પૂછપરછ કરતા આરોપી ચાલક જેવેલ ગામડિયા મુંબઇમાં એક ખાનગી ક્લીનિક ચલાવતો તબીબ હોવાનું જાણવા મળ્યું હતું. પોલીસે 25 લાખની BMW કાર, 5400નો દારૂ કબ્જે લઇ આ મુદ્દામાલ તેમણે ક્યાંથી ખરીદી કર્યો છે. તેની તપાસ હાથ ધરી હતી.