વલસાડઃ જિલ્લામાં થોડા દિવસ પહેલા જ ભૂતસર ગામે લૂંટના ઇરાદે આવેલ કેટલાક ઈસમોએ મહિલાનું ગળુ દબાવી તેના ઘરમાંથી સોના-ચાંદીના દાગીના લઇ રવાના થઈ ગયા હતા. જો કે મહિલાનું ગળું દબાવવાને કારણે તેનું મોત નીપજ્યું હતું. તો રોનવેલ ગામે પણ લૂંટની ઘટના બની હતી. જે બાબતે વલસાડ જિલ્લા પોલીસ અધિક્ષક ડો.રાજદીપસિંહ ઝાલાના માર્ગદર્શનમાં LCBની ટીમો બનાવી તપાસ શરૂ કરવામાં આવી હતી. જેમાં પોલીસે તપાસ દરમ્યાન લૂંટ, ધાડ, ઘરફોડ ચોરીને અંજામ આપતી ગેંગના 1 મહિલા સહિત 10 લોકોની ધરપકડ કરી છે. ગેંગે અત્યાર સુધીમાં ધરમપુરમાં 8 અને વલસાડ રૂરલમાં 3 ગુન્હા આચર્યા હતા. જ્યારે એક ગુન્હો ચીખલી પોલીસ મથકમાં પણ નોંધાયેલો છે.
વલસાડ LCBએ લૂંટ, ધાડ અને ઘરફોડ ચોરી કરનારી ગેંગના 10 શખ્શને પકડ્યા વલસાડ LCBએ લૂંટ, ધાડ અને ઘરફોડ ચોરી કરનારી ગેંગના 10 શખ્શને પકડ્યા વલસાડ LCBએ લૂંટ, ધાડ અને ઘરફોડ ચોરી કરનારી ગેંગના 10 શખ્શને પકડ્યા પોલીસે પકડેલા 10 આરોપી પાસે ભૂતસર લૂંટમાં લૂંટ કરી જવામાં આવેલ મુદ્દામાલ રોકડ રૂપિયા 71,080 સોનચાંદીના દાગીના જેની કિંમત 1,16,000 મોબાઈલ ફોન નંગ 8, ગુન્હામાં ઉપયોગમાં લેવામાં આવેલ 3 વાહનો બે કાર, એક મોટરસાયકલ, LCD ટીવી 1, લેપટોપ 1 મળી કુલ 10,57,080નો મુદ્દામાલ કબ્જે કર્યો છે.
વલસાડ LCBએ લૂંટ, ધાડ અને ઘરફોડ ચોરી કરનારી ગેંગના 10 શખ્શને પકડ્યા આમ વલસાડ પોલીસે આધાર ભૂત બાતમી અને ટેક્નિકલ મદદ વડે છેલ્લા 4 વર્ષમાં જિલ્લામાં થયેલા ખૂન, ધાડ, લૂંટ અને ઘરફોડની ચોરીના ગુન્હા આચરતી ગેંગને ઝડપી પાડી મોટી સફળતા મેળવી હતી.
મહત્વનું છે કે લોકલ ક્રાઇમ બ્રાન્ચના PI ડી.ટી.ગામીત PSI સી.એચ.પનારા, જી આઈ રાઠોડ સહિતની પોલીસની ટિમ દ્વારા છેલ્લા એક અઠવાડિયાથી સતત લૂંટના કેસને ઉકેલવા માટેની કામગીરીમાં જોડાયા હતા.
