વલસાડના જિલ્લા શિક્ષણ વિભાગ દ્વારા મોરારજી દેસાઈ હોલ ખાતે શિક્ષક દિનની ઉજવણી નિમિત્તે તાલુકા અને જિલ્લા કક્ષાનો શ્રેષ્ઠ શિક્ષક પારિતોષિક સમારોહ 2019 નો કાર્યક્રમ યોજાઈ ગયો હતો, જેમાં ચાર જેટલા પ્રાથમિક શિક્ષકો અને એક ઉચ્ચતર માધ્યમિકના શિક્ષકોને તેમની વિશેષ કામગીરી બદલ શ્રેષ્ઠ શિક્ષકોનું પારિતોષિક એનાયત કરવામાં આવ્યું હતું. આ કાર્યક્રમ દરમિયાન રાજ્યકક્ષાના પ્રધાન આરોગ્ય અને પરિવાર કલ્યાણ વિભાગ અને તબીબી શિક્ષણના કિશોરભાઇ કાનાણીના હસ્તે આ શ્રેષ્ઠ શિક્ષકોનું પારિતોષિક વિતરણ કરવામાં આવ્યું હતું.
પારિતોષિક મેળવનારા ઓમાન વલસાડની આવાબાઈ સ્કૂલના ધનસુખભાઇ નારણદાસ ટંડેલ, મહેન્દ્રસિંહ પરમાર નવીનગરી પ્રાથમિક શાળા ધરમપુર, કમલેશસિંહ ફતેસિંહ ચૌહાણ ઉમરગામ, જગદીશભાઈ રમણલાલ પટેલ અંબાચ વાઘસર ફળિયા પ્રાથમિક શાળા યોગેશભાઈ માધુભાઇ પટેલ નંદગામ કપરાડાને રાજ્યકક્ષાના પ્રધાન હસ્તે શ્રેષ્ઠ શિક્ષકનો પારિતોષિક એનાયત કરવામાં આવ્યું હતું. આ સાથે જ વલસાડ જિલ્લાના ૧૧ જેટલા ગામોમાં ચોમાસા દરમિયાન ઔરંગા નદીમાં અચાનક પાણીમાં વધારો થઈ જતા પૂરની સ્થિતિ સર્જાઈ છે. આ સ્થિતિને પહોંચી વળવા માટે ઔરંગા નદી ઉપર ખેરગામના ભૈરવી પુલ પાસે મૂકવામાં આવેલી ઇ મેઘ સિસ્ટમને એવોર્ડ મળ્યા બાદ વલસાડ જિલ્લાના શિક્ષણ વિભાગ તરફથી એવોર્ડ મેળવવા બદલ જિલ્લા કલેકટર સી આર ખરસાણનું સન્માન કરવામાં આવ્યું હતું.
કાર્યક્રમ દરમ્યાન પારડી વલસાડ અને ધરમપુરના ધારાસભ્ય શિક્ષણ સમિતિના ચેરમેન ,ડીડીઓ, ડી ઇ ઓ વલસાડ પાલિકા ઉપ પ્રમુખ સહિત અનેક અગ્રણીઓ ઉપસ્થિત રહ્યા હતા, અંતે કાર્યક્રમની આભાર વિધિ આશાબેન દ્વારા કરવામાં આવી હતી.
