વાપી : લોકડાઉનની શરૂઆત થતાની સાથે જ પરપ્રાંતીયો પોતાના વતન તરફની વાટ પકળવા અધીરા બન્યા છે. આ વચ્ચે છીરી પોલીસ ચોકી ખાતે વહેલી સવારથી જ મોટી સંખ્યામાં પરપ્રાંતીય લોકોનું ટોળુ એકઠું થયુ હતું અને તેઓના વતન જવા માટે પાસ સહિતની વ્યવસ્થા કરી આપવા માગ કરી હતી. આ માગ સાથે કેટલાક લોકોએ ચોકી સામે રસ્તા પર બેસીને શોરબકોર કરીને આખા વિસ્તારને માથે લીધો હતો. જેમને સમજાવવા છતા લોકોએ ત્યાંથી ખસવાનું નામ નહી લેતા આખરે વધારાની પોલીસ તૈનાત કરવી પડી હતી. જેને જોઈને વિસ્તારમાં ભાગદોડ મચી હતી. કેટલાક પોલીસના હાથે આવી જતા લાઠીનો માર ખાતા પણ નજરે ચડ્યા હતા.
ગામ જવા માંગતા પરપ્રાંતીય લોકોએ મચાવ્યો હોબાળો
