વલસાડ: જિલ્લા વિકાસ અધિકારીએ વર્ષોથી એક જ સ્થળે કામ કરી રહેલા અને તેમની સમક્ષ આવેલી અનેક ફરિયાદોને આધારે 31 જેટલા તલાટીની બદલીના ઓર્ડર કરતા ફફડાટ ફેલાયો છે. વલસાડ તાલુકાના ધરમપુર અને કપરાડાના મળીને કુલ 31 જેટલા તલાટીઓની બદલીના ઓર્ડર થયા છે. જેથી તલાટીઓમાં "કહીં ખુશી કહીં ગમ"નો માહોલ જોવા મળ્યો છે. કપરાડાના વિલેજ બોર્ડરોમાં પણ કેટલાક તલાટીઓને બદલીનો ઓર્ડર મળતા ફફડાટ ફેલાયો છે.
એક જ ગામમાં વર્ષોથી કામ કરતા તલાટીઓની બદલીના ઓર્ડર થતા ન હતા. તો કેટલાક તલાટીઓને ખૂબ લાંબા અંતર સુધી નોકરી માટે જવું પડતું હતું. પરંતુ અચાનક બદલીના ઓર્ડર આવતા અનેક તલાટીઓને ફાયદો પણ થયો છે.
