વાપીના ઉદ્યોગપતિએ પોતાના જન્મદિવસે કામદારોને 1 મહિનાનું રાશન આપ્યું

વાપીમાં સમાજ સેવાનું કામ કરતા સમાજસેવક નાનજીભાઈ ગુર્જરે તેમના જન્મ દિવસ નિમિત્તે 50 જેટલા કામદારોને 1 મહિનાનુ રાશન આપી 1 મહિનાનું રૂમ ભાડું માફ કરી જન્મદિવસની અનોખી ઉજવણી કરી હતી.

વાપી : જય આશાપુરા હાઇડ્રોલિકસ નામે લિફ્ટની ફેક્ટરી ધરાવતા અને આશાપુરા માનવ કલ્યાણ ટ્રસ્ટ નામે ટ્રસ્ટ ચલાવતા મૂળ રાજસ્થાનના નાનજીભાઈ ગુર્જરનો 28મી મે એ જન્મદિવસ હતો. ત્યારે હાલમાં કોરોના મહામારીમાં લોકડાઉન લાગુ હોવાથી તેમના 50 કામદારોને એક મહિનાનું રાશન આપી તેમનું રૂમ ભાડાનું બિલ માફ કરી તેમણે પોતાનો જન્મદિવસ ઉજવ્યો હતો.

આ પ્રસંગે નાનજીભાઈ ગુર્જરે જણાવ્યું હતું કે, તેઓ જે કંઈ પણ કમાય છે. તે કામદારોના કારણે જ શક્ય બન્યું છે. તેમના કારણે જ તે સમાજ સેવામાં લોકોને મદદરૂપ થઇ રહ્યાં છે. નાનજીભાઈ ગુર્જર રાજસ્થાનના રાજસમદ જિલ્લાના વતની છે. અને હાલના લોકડાઉનમાં જરૂરિયાતમંદ લોકોને અંદાજિત 5 લાખની રાશન સામગ્રી આપી મદદરૂપ થયા છે. એ ઉપરાંત 2 ગ્રામપંચાયત દત્તક લીધી છે. તેમની ઈચ્છા છે કે, તે પન્નાધાઈ નિર્મળ ભારત બનાવે તે માટે 2 વર્ષથી સતત વૃક્ષારોપણ કરી રહ્યાં છે.