કોરોના સામે વાપીની જનતાનો સજ્જડ કરફ્યૂ, સૂમસામ રસ્તાઓ પર સફાઈ કામદારોની સફાઈ

સમગ્ર દેશમાં કોરોના વાઇરસને જડથી નાબૂદ કરવા માટે વડાપ્રધાન નરેન્દ્ર મોદીના જનતા કરફ્યૂ એલાનને વાપીમાં સજ્જડ પ્રતિસાદ મળ્યો છે.

વાપી: જિલ્લામાં તમામ બજારો વહેલી સવારથી જ બંધ છે. શહેરના તમામ રસ્તાઓ પર એકલ દોકલ વાહનો સિવાય સૂમસામ જોવા મળ્યા હતો. રસ્તાઓ પર માત્ર સફાઇ કામદારો પોતાના બાળકો સાથે સફાઈ કરતા નજરે પડ્યા હતાં.

એવી જ રીતે રેલવે સ્ટેશને જામતી મુસાફરોની ભીડ અદ્રશ્ય છે. દેશનો સૌથી વધુ ધમધમતો મુંબઈ અમદાવાદ હાઇવે ખાલીખમ છે. શોપિંગ સેન્ટરમાં તાળા લાગ્યા છે. ટૂંકમાં કોરોના સામેની જંગમાં જનતાએ સાચા અર્થમાં સ્વયંભૂ કરફ્યૂ લગાવી વડાપ્રધાન મોદીના જનતા કારફ્યૂને સજ્જડ પ્રતિસાદ આપ્યો છે.