વલસાડમાં પોલીસ પર પથ્થરમારો થયો

કપરાડા અને ધરમપુર તાલુકામાં છેલ્લા કેટલાક સમયથી મહારાષ્ટ્રની બોર્ડરના ગામોમાંથી રાત્રી દરમિયાન પીકઅપ વાનમાં આવતા કેટલાક અજાણ્યા શખ્સો ગૌતરી કરી રહ્યા છે અને તેમને રોકવામાં આવતા તેઓ પથ્થરમારો કરતા હોય છે અને જીવલેણ હુમલો પણ ક્યારેક-ક્યારેક કરે છે. કપરાડા તાલુકાના એક ગામમાંથી બે ગાડી ચોરી કરી લઇ ભાગી રહેલા ગૌતમ પોલીસે ફિલ્મી ઢબે પીછો કર્યો હતો અને તેમને રોકવા જતાં ગૌ તસ્કરો કરોએ પોલીસ ઉપર પથ્થરમારો કર્યો હતો. એક હોમગાર્ડ અને એક હેડ કોન્સ્ટેબલને પથ્થર માથામાં અને પગના લાગતા સામાન્ય ઈજાઓ પહોંચી હતી.

• ભાગી રહેલા આરોપીને પકડવા પોલીસે ફિલ્મી ઢબે પીછો કર્યો
• પકડાઈ જવાના ડરથી પીકઅપ વાનમાંથી કર્યો પથ્થરમારો
• કપરાડાના PSIએ સ્વબચાવમાં 2 રાઉન્ડ કર્યું ફાયરિંગ

વલસાડ: આજે મંગળવારે વહેલી પરોઢિયે ચાર વાગ્યાની આસપાસમાં પોલીસ મથકના હદ વિસ્તારમાં આવેલા એક ગામમાંથી પીકઅપ વાનમાં બે ગાય ચોરી કરીને તસ્કરો જતા હોવાની બાતમી નાનાપોઢા પોલીસની મોબાઈલ વાનને મળતાં તેમણે બાતમી વાડી પીકઅપનો પીછો કર્યો હતો. જો કે, તે પીકઅપ નાનપુરા પોલીસ સ્ટેશનની હદ છોડી કપરાડા પોલીસ મથકના હદ વિસ્તારના એક ગામમાં પ્રવેશ કરતાં પોલીસની મોબાઇલ વાને કપરાડાના PSIને જાણકારી આપવામાં આવતા PSI અને તેમની ટીમ પણ અન્ય એક પોલીસ મોબાઇલ લઇને ફિલ્મી ઢબે ગૌ તસ્કરોનો પીછો કર્યો હતો.

પોલીસની જીપ પર પથ્થરમારો

પોલીસ પીકઅપ વાનને પકડી લેશે તેવું સમજીને અજાણ્યા શખ્સોએ પોલીસની જીપ ઉપર પથ્થરો માર્યા હતા. પથ્થરમારો થતાં પોલીસના જીપની આગળના કાચ અને કાચની ઉપર આવેલી જાળીને નુકસાન પહોંચ્યું હતું. ગૌ તસ્કરોએ પોલીસના માણસો અને પોલીસના વાહનો પર પીકઅપ વાન ચડાવી દેવાનો પ્રયાસ કર્યો હતો. જેને પગલે સ્વબચાવમાં કપરાડાના PSIએ બે રાઉન્ડ ફાયરિંગ કર્યા હતા. જેના પગલે ગૌ તસ્કરો ફરાર થઈ ગયા હતા.

પોલીસ ઉપર પથ્થરમારો

એક હેડ કોન્સ્ટેબલ અને એક હોમગાર્ડ અને માથા અને પગના ભાગે સામાન્ય ઈજાઓ પહોંચી

આ સમગ્ર ઘટનામાં પથ્થરમારો થતાં પોલીસ વિભાગમાં કામ કરતા નાનાપોન્ડા પોલીસ મથકના હેડ કોન્સ્ટેબલ તેમજ હોમગાર્ડને માથાના અને પગના ભાગે પથ્થર વાગતા સામાન્ય ઈજાઓ પહોંચી હતી. જો કે, તેમને સારવાર સરકારી હોસ્પિટલમાં આપ્યા બાદ રજા આપી દેવામાં આવી હતી.

પોલીસ ઉપર પથ્થરમારો

વલસાડ જિલ્લા પોલીસ અધિક્ષક કપરાડા પોલીસ મથકે પહોંચ્યા

વલસાડ જિલ્લા પોલીસ અધિક્ષક રાજદીપસિંહ ઝાલા કપરાડા પોલીસ મથકે પહોંચી સમગ્ર ઘટનાનો ચિતાર મેળવ્યો હતો. તેમણે જણાવ્યું કે, આગામી દિવસમાં ગૌ તસ્કરી રોકવા માટે વિશેષ એક્શન પ્લાન અમલમાં મુકવામાં આવશે. આ સાથે જ ગાયોની તસ્કરી કરનારાઓ સામે કડકમાં કડક પગલાં ભરવામાં આવશે. મહત્વનું છે કે, ધરમપુર અને કપરાડા વિસ્તારમાં રાત્રી દરમિયાન અંધારાનો લાભ લઇને ગાય વાછરડા અને ભેંસ જેવા પાલતુ પશુઓને ચોરીની ઘટનાઓ વધતી જઈ રહી છે, ત્યારે આ સમગ્ર ઘટનાને રોકવા માટે પોલીસ વિશેષ એક્શન પ્લાન અમલમાં મૂકશે.