સુરતમાં ડેન્ટિસ્ટ તરીકે જાણીતા વિદુર મહેન્દ્ર ગોટાવાલા દમણની સેલગાહે આવ્યાં હતા, પરત ફરતી વખતે પોતાની લાલ રંગની સેવરોલેટ બીટ કારમાં દારૂની બોટલો પોતાની સાથે સુરત લઈ જતા હતા. પોલીસે બાતમીના આધારે ધરમપુર ચાર રસ્તા નજીક કાર રોકવાનો પ્રયાસ કર્યો હતો, પરંતુ કાર ઉભી ન રાખી એટલે પોલીસે કારનો પીછો કરી તેની અટકાયત કરી હતી. ગાડીની તપાસ કરતા 70 નંગ દારૂની બોટલો મળી આવી હતી. પોલીસે 48,500નો દારુ કબ્જે કરી મહેન્દ્રની ધરપકડ કરી હતી.
વલસાડ પોલીસે સુરતના ડેન્ટિસ્ટની દારુ સાથે કરી ધરપકડ
પોલીસના સકંજામાં આવ્યા બાદ તેને છોડાવવા માટે અનેક અગ્રણીઓના ફોન વલસાડ પોલીસના આધિકારીઓને આવ્યાં હતાં. છતાં પોલીસે તેની સામે ગુનો નોંધી કાર્યવાહી શરૂ કરી હતી. હાલ પોલીસે ડૉક્ટરને કોર્ટમાં રજૂ કરી રિમાન્ડ મેળવવાની તજવીજ હાથ ધરી છે.
