વલસાડ: જિલ્લામાં નોંધાયેલા નવા 18 કેસમાંથી વલસાડમાં 9, વાપી અને પારડીમાં 3-3, ધરમપુર, ઉમરગામ અને કપરાડામાં એક-એક કોરોના કેસ નોંધાયા હતા. વલસાડ જિલ્લામાં કુલ કોરોના કેસનો આંકડો 520 થઇ ગયો છે. જેમાંથી હાલ 174 દર્દીઓ એક્ટિવ છે. જયારે, 299 દર્દીઓ રિકવર થતા તેમને રજા અપાઈ છે. તો, શુક્રવારના રોજ વલસાડ કોવિડ હોસ્પિટલમાં સેગવી વડ ફળિયામાં રહેતા 42 વર્ષીય વ્યક્તિ અને વલસાડ પોલીસ હેડક્વાર્ટરમાં રહેતા 57 વર્ષીય દર્દીનું કોરોનાની સારવાર દરમિયાન મોત નીપજ્યું હતું. જો કે તેમના મૃત્યુનું ચોક્કસ કારણ ડેથ ઓડિટ કમિટીનો રિપોર્ટ આવ્યા બાદ નક્કી કરવામાં આવશે.
વલસાડ જિલ્લામાં વધુ 18 કોરોના પોઝિટિવ કેસ નોંધાયા, કુલ કેસની સંખ્યા 520 થઇ આ તરફ દાદરા નગર હવેલીમાં શુક્રવારના રોજ વધુ 23 કોરોના પોઝિટિવ કેસ નોંધાયા છે. જયારે ત્રણ દર્દીઓ રિકવર થતા તેમને હોસ્પિટલમાંથી રજા આપવામાં આવી હતી. દાદરા નગર હવેલીમાં હાલ 161 કોરોના પોઝિટિવ કેસ સક્રિય છે, જયારે 222 લોકો કોરોનાને મ્હાત આપીને ઘરે ગયા છે. શુક્રવારે પ્રદેશમાં 10 નવા કન્ટેનમેન્ટ ઝોન જાહેર કરાતા પ્રદેશમાં કુલ કંટેઇન્મેન્ટ ઝોનની સંખ્યા 153 થઇ છે, દમણમાં 24 જુલાઈના રોજ નવા 14 કોરોના પોઝિટિવ કેસ નોંધાયા હતાં. 14 દર્દીઓ રિકવર પણ થયા હતાં. શુક્રવારે નવા 11 કન્ટેનમેન્ટ ઝોન જાહેર કરાયા હતા. દમણમાં અત્યાર સુધીમાં કુલ 287 દર્દીઓ રિકવર થયા છે. 135 કેસ એક્ટિવ કેસ છે. ટોટલ 423 કેસમાંથી એક વ્યક્તિનું મોત નીપજ્યું છે.
