વલસાડ : વલસાડ વિધાનસભા બેઠકના ભાજપના ઉમેદવાર ભરત પટેલના સમર્થનમાં (Paresh Rawal visit Valsad) ચૂંટણી પ્રચારમાં આવેલા ફિલ્મ સ્ટાર પરેશ રાવલે સભા ગજવી હતી. પરેશ રાવલને નિહાળવા માટે ભીડ ઉમટી પડી હતી. પરેશ રાવલે રાહુલ ગાંધી અને આમ આદમી પાર્ટી પર પ્રહાર કર્યા હતા કે, રાહુલ ગાંધી રાજકારણમાં ન ચાલે. પરેશ રાવલને નિહાળવા માટે ભીડ ઉમટી પડી હતી. (Paresh Rawal sabha in Valsad)
પરેશ રાવલના પ્રહાર પરેશ રાવલ વલસાડ ખાતે આવેલ ગુંદલાવ કોચર ફળિયામાં પ્રચાર અર્થે આવ્યા હતા, જ્યાં તેમણે રાહુલ ગાંધી ઉપર કટાક્ષ કરતા કહ્યું કે, રાહુલ રેલીમાં ચાલે પણ રાજકારણમાં ન ચાલે, રાજકારણમાં રહેવા માટે હૈયામાં હામ હોવી જોઈએ. બાબાને રેલીમાં ચાલવા માટે 1500ના બુટ જોઈએ છે, વળી કેજરીવાલ પર નિશાન સાધીને કહ્યું કે, તેઓ એક વેપારીની જેમ એક પર એક ફ્રી ની ઓફર આપી રહ્યા છે. ગુજરાતની જનતા ખુદ વેપારી છે. પથ્થરમાંથી પાણી કાઢી લે છે, આવી રેવડી ગુજરાતમાં નહિ ચાલે. (Paresh Rawal attacked Rahul Gandhi)
ચૂંટણીના ગણતરીના દિવસો બાકી ઉલ્લેખનીય છે કે, ગુજરાતમાં પ્રથમ તબક્કાનું મતદાન તારીખ 1 ના રોજ થનાર છે, ત્યારે હવે ગણતરીના દિવસો રહ્યા છે. દરેક પાર્ટી દ્વારા ઝંઝાવતી ચૂંટણી પ્રચાર કરવામાં આવી રહ્યો છે. ત્યારે ભાજપે પોતાના સ્ટાર પ્રચારકો પ્રચારમાં ઉતારી દીધા છે, એમ પણ ફિલ્મ સ્ટાર ઉતરતા હોય ત્યારે તેમને નિહાળવા માટે ભીડ ઉમટી રહી છે. (Gujarat Assembly Election 2022)
