વલસાડ : જિલ્લામાં કોરોના વાઈરસની સારવાર માટે તૈયાર કરાયેલી કોવિડ-19 આઇસોલેશન હોસ્પિટલ શ્રેયસ મેડિકેર સંચાલિત જનસેવા મંડળ વાપી અધિકૃત મણિબેન નાગરજી મહેતા (વલવાડા) હોસ્પિટલની મુલાકાત ગુજરાત મેરીટાઇમ બોર્ડના ઉપાધ્યક્ષ અને ચીફ એકઝીકયુટીવ ઓફિસર મુકેશકુમારે લીધી હતી.
આ મુલાકાત વેળાએ જિલ્લા કલેક્ટર સી.આર.ખરસાણ, જિલ્લા વિકાસ અધિકારી અર્પિત સાગર, હોસ્પિટલના મેનેજિંગ ડિરેક્ટર, જિલ્લા આરોગ્ય અધિકારી ડૉ.અનિલ પટેલ, પારડી પ્રાંત અધિકારી વગેરે સાથે બેઠક યોજી જિલ્લાની આરોગ્યલક્ષી બાબતો અંગે ચર્ચા-વિચારણા કરી જરૂરી સૂચનો કર્યા હતા.
