5 કરોડના દાનથી નિર્મિત અદ્યતન પ્રાથમિક શાળાનું નાયબ મુખ્યપ્રધાને કર્યું લોકાર્પણ

વડનગરના કઈપુર ગામે 5 કરોડના દાનથી નિર્મિત અદ્યતન પ્રાથમિક શાળાનું નાયબ.મુખ્ય પ્રધાને  લોકાર્પણ  કર્યું હતુ. કહીપુર ગામના અને અમેરીકા સ્થાયી થયેલ દાતા છોટાલાલ ના 100 ટકા દાનથી શાળાનું નિર્માણ કર્યુ હતુ.

મહેસાણાઃ કહિપુર ગામે શૈક્ષણિક ભવન લોકાર્પણ અને નામકરણ સમારોહ યોજાયો હતો. રૂપિયા.05 કરોડના ખર્ચે અધતન શૈક્ષણિક ભવનનું લોકાર્પણ કરાયું હતુ. રાષ્ટ્ર નિર્માણ માટે બાળકોમાં શિક્ષણ,સંસ્કાર,ચારિત્ર્ય સાથે રાષ્ટ્રભક્તિની ભાવના ઉજાગર કરવી જરૂરી બને છે, ત્યારે વડનગર તાલુકાના કહિપુર ગામે કર્મ એજ ધર્મને સાચા અર્થમાં સાર્થક કરી અમેરિકા સ્થિત સફળ ઉધોગપતિ અને નવનિર્મિત શૈક્ષણિક ભવનના દાતા છોટાલાલ પટેલે પોતાના ગામમાં જ પ્રાથમિક શાળાનું 5 કરોડના ખર્ચે નિર્માણ કરાવ્યું હતુ.

નાયબ.મુખ્ય પ્રધાન નીતિન પટેલની હાજરીમાં લોકાર્પણ અને નામકરણ કરાયું હતું આ પ્રસંગે નાયબ મુખ્ય પ્રધાન ગામને જોડતા રસ્તા માટે રૂપિયા 1 કરોડના અનુંદાનની જાહેરાત કરી હતી.

નીતિન પટેલે જૂનાગઢમાં મગફળી કૌભાંડ મુદ્દે પ્રતિક્રિયા આપતા જવાબદારો વિરુદ્ધ કાર્યવાહી કરવામાં આવશે અને સ્થાનિક અધિકારીના નિવેદન પર મગફળી ખરીદીમાં ગેરરીતિ થઈ હોવાનું જણાવી આવે છે. ગેરરીતિ કરનાર સામે કડકમા કડક કાર્યવાહી કરાશે તેવી ખાત્રી આપી છે. સાથે જ બનાસકાંઠા અને પાટણ જિલ્લામાં કેનલોમાં ભંગાણના મામલે પણ તપાસ કરી જે અહેવાલ આવશે તે મુજબ જરૂરી તમામ પગલાં લેવાશે અને અજન્સીનું પેમેન્ટ રોકવા સહિત જવાબદાર અધિકારી સામે પણ પગલાં ભરવા ખાત્રી આપી હતી.