વાપી નજીક બલીઠામાં રહેતા ટુના ઉર્ફે ટુની આઝાદ યાદવે શનિવારે ટાઉન પોલીસ મથકમાં ફરિયાદ નોંધાવી હતી કે, શુક્રવારે રાત્રે પતિ સાથે કલર કામ કરતા મુકેશ અને ધર્મેન્દ્ર બંને સાથે પતિ આઝાદને ઘરે લઇ આવ્યા હતા. ત્યારે પતિ બરાબર બોલી શકતા ન હોવાથી તેમને પૂછતા સુલપડમાં રાશનની દુકાનવાળો પીંકુ ઉર્ફે પ્રિયાંક તેના મિત્ર મેહુલ પટેલ, રિતેષ પટેલ, પ્રજ્ઞેશ પટેલ અને અવિનાશ પટેલ ઉર્ફે પકીયોએ લાકડા અને ઢીકામુક્કીથી માર માર્યા હોવાનું જાણવા મળ્યું હતું.
વાપીમાં ઉધારીના રૂપિયા બાબતે યુવકને ઢોર માર મારતા યુવકનું સારવાર દરમિયાન મોત પતિ ઇજાગ્રસ્ત હાલતમાં સુલપડ ધોડીયાવાડ ખાતે આવેલા દેસાઇની ખુલ્લી જગ્યામાં પડ્યા હોવાની જાણ થતા રાત્રે મિત્રો તેમને ઘરે લઇ ગયા હતા. જેથી તાત્કાલિક સારવાર માટે વાપીની ખાનગી હોસ્પિટલમાં ખસેડાયો હતો. ગંભીર હાલત જોતા તે ICU વિભાગમાં દાખલ કરાયો હતો. થોડીવાર બાદ પતિ આઝાદ યાદવે દમ તોડી દીધા હોવાનું તબીબે જણાવ્યું હતું. બનાવ અંગે ટાઉન પોલીસ મથકમાં સુલપડના પાંચેય આરોપીઓ સામે ફરિયાદ કરતા પોલીસે આગળની તપાસ હાથ ધરી છે.ઉલ્લેખનીય છે કે, સમગ્ર પ્રકરણમાં કારીયાણાની દુકાન ચલાવનાર પિંકુ ઉર્ફે પ્રિયાંક પાસે ઉધારી બાકી હોય તે અંગે તેમને મળવા બોલાવી પોતાના સાગરીતો સાથે મળી શરીરના વિવિધ ભાગો પર ગંભીર માર મારી બેહોશ હાલતમાં રઝળતો છોડી ભાગી ગયા હતાં.
