વલસાડના હાલર જકાત નાકા પાસે રહેતી એક મહિલાને હાલાર શ્રીનગર સોસાયટીમાં રહેતા બુટેગર મિથુનના પુત્ર મિતુલ સુરતી અને તેના અન્ય ત્રણ જેટલા મિત્રોએ અગાઉની જૂની અદાવત રાખી રાત્રીના 2 કલાકના અરસામાં નાનાકવાડા જકાત નાકા પાસે રહેતી ગીતાબેન પટેલના ઘરે જઈ તેના પુત્ર મનીષ ઉર્ફે ગોટિયો ક્યાં છે, કહી ગાળા ગાળી કરતા ઉશ્કેરાયેલા મિતુંલે ગીતા બેનને હાથ-પગ પર ચપ્પુ અને લાકડા વડે જીવલેણ હુમલો કરવામાં આવ્યો હતો.
ચપ્પુ દ્વારા હુમલો કર્યા બાદમાં ઘરમાં તોડફોડ કરી ભાગી છૂટ્યા હતા. જ્યાર બાદ આજુબાજુના રહીશો દોડી આવી લોહીથી લથબથ ગીતા બેનને 108 મારફતે વલસાડ સિવિલ હોસ્પિટલમાં સારવાર અર્થે લઈ જવામાં આવી હતી. આવા માથાભારે બુટેગરની વધી રહેલી હિંમતને પગલે ચોક્કસએ ફલિત થાય છે કે, ગુન્હેગારોમાં પોલીસનો ધાક અને હાક ઓસરી રહ્યો છે. વલસાડ પોલીસ વધુ કડક બની આવા માથાભારે સામે પગલાં લે એ જરૂરી બન્યું છે.
