અમરેલી: અમરેલી જિલ્લાના બાબરા તાલુકામાં આવેલા ગમા પીપળીયા ગામ ખાતે જૂથ અથડામણ સર્જાઈ હતી. એક જ જ્ઞાતિના બે જૂથ વચ્ચે અથડામણ થતા બારથી વધુ વ્યક્તિઓને ગંભીર ઇજાઓ પહોંચી હતી. તમામ ઇજાગ્રસ્ત વ્યક્તિઓને સારવાર અર્થે હોસ્પિટલ ખાતે ખસેડવામાં આવ્યા હતા.
જૂના અદાવતમાં બે જૂન વચ્ચે અથડામણ
ગમા પીપળીયા ગામ ખાતે જૂની અદાવતનું મન દુઃખ રાખીને એક જ જ્ઞાતિના બે જૂથ વચ્ચે ઝઘડો થયો હતો. આ ઝઘડામાં અનેક વ્યક્તિઓને ગંભીર ઈજાઓ પહોંચી હતી. લાકડી, પાઇપ તેમજ અન્ય હથિયારો વડે એકબીજા ઉપર હુમલો કરવામાં આવ્યો હતો. જેથી બંને પક્ષના વ્યક્તિઓને ગંભીર ઇજા પહોંચી હતી. જેમાં એક જૂથને બાબરા ખાતેથી અમરેલી હોસ્પિટલ ખાતે ખસેડવામાં આવ્યા હતા. જ્યારે અન્ય જૂથને ગંભીર ઈજા પહોંચતા બાબરાની સ્થાનિક હોસ્પિટલ ખાતે ખસેડવામાં આવ્યા હતા. બનાવની જાણ થતા પોલીસ કાફલો ઘટના સ્થળ પર પહોંચ્યો હતો. પોલીસ દ્વારા વધુ કાર્યવાહી અને તપાસ હાથ ધરવામાં આવી હતી.
બંને પક્ષે સામ-સામે પોલીસમાં ફરિયાદ નોંધાવી
દિવાળીના સમયે જ બંને જૂથ વચ્ચે અચાનક અથડામણની ઘટના સર્જાઈ હતી અને મારામારી થઈ હતી. મારામારીમાં બારથી વધુ વ્યક્તિઓને ગંભીર ઇજાઓ પહોંચી હતી. ઈજાગ્રસ્ત વ્યક્તિઓને સારવાર અર્થે હોસ્પિટલ ખાતે ખસેડવામાં આવ્યા હતા અને બંને પક્ષો દ્વારા પોલીસમાં સામ સામે ફરિયાદ નોંધાવવામાં આવી હતી. પોલીસે બંને પક્ષની ફરિયાદ નોંધ હતી અને વધુ તપાસ માટે કાર્યવાહી શરૂ કરવામાં આવી છે.
આ પણ વાંચો:
