વાપીમાં બ્રહ્મસમાજે કર્યું રક્તદાન કેમ્પનું આયોજન

વલસાડ જિલ્લાના વાપી ખાતે સમસ્ત ગુજરાતી બ્રહ્મસમાજ દ્વારા અન્ય સંસ્થાઓ, ઉદ્યોગોના સહકારથી રક્તદાન કેમ્પનું આયોજન કરવામાં આવ્યું હતું જેમાં 200 બોટલ રક્ત કરવાનો લક્ષ્યાંક હતો.

વલસાડઃ કોરોના મહામારીને લઇને વાપી ખાતે રક્તની ઘટને પુરી કરવા માટે અને સામાજિક ઉત્તરદાયિત્વ નિભાવવા સમસ્ત ગુજરાતી બ્રહ્મસમાજ દ્વારા અન્ય સંસ્થાઓ, ઉદ્યોગોના સહકારથી રક્તદાન કેમ્પનું આયોજન કરવામાં આવ્યું હતું. જેમાં 200 બોટલ રક્ત એકત્ર કરવાનો લક્ષ્યાંક હતો.

કોરોના મહામારી દરમિયાન વલસાડ જિલ્લામાં રક્તની ઘટ વર્તાઈ રહી છે, ત્યારે આ ઘટને પુરી કરવી માટેે અને સામાજિક ઉત્તરદાયિત્વ નિભાવવા સમસ્ત ગુજરાતી બ્રહ્મસમાજ, વાપી સમસ્ત ગુજરાતી બ્રહ્મસમાજ મહિલા મંડળ, પતંજલિ યોગ સમિતિ, ઝેન ફાર્મા પ્રાઇવેટ લિમિટેડ દ્વારા રક્તદાન કેમ્પ અને આઈ ચેકઅપ કેમ્પનું આયોજન કરવામાં આવ્યા હતું.

રક્તદાન કેમ્પમાં કોરોના મહામારીને ધ્યાને રાખી તમામ રક્તદાતાઓ માટે માસ્ક ફરિજિયાત પહેરવા સાથે બેડને સેનેટાઈઝ કરી જરૂરી સોશિયલ ડિસ્ટન્સનું પાલન કરાવી 200 યુનિટ રક્ત એકત્ર કરવાનો લક્ષ્યાંક રાખ્યવામાં આવ્યા હતો. વાપીના પ્રાંત અધિકારી, સ્વામિનારાયણ ગુરુકુળના કપિલ સ્વામી, નગરપાલિકા પ્રમુખ સહિત સમાજના અગ્રણી મહાનુભાવોના હસ્તે રક્તદાન કેમ્પનું દીપ પ્રગટાવી ઉદ્ઘાટન કરવામાં આવ્યું હતું.