કપરાડા તાલુકામાં અનેક શોપિંગ સેન્ટર આવેલ છે અને વખતો વખત આ વિસ્તારમાં ચોરીની નાની મોટી ઘટનાઓ બને છે પરંતુ શિયાળો શરૂ થતાની સાથે જ કડકડતી ઠંડીમાં લોકો જ્યારે મસ્ત ઉંઘ કાઢી રહ્યા હોય, ત્યારે આવી ઉંઘનો લાભ લેતા કેટલાક તસ્કરોએ કપરાડા મુખ્ય મથકમાં આવેલી 10જેટલી દુકાન અને પોતાનું નિશાન બનાવ્યું હતું અને આદર્શ દુકાનોમાં ચોરી કરતા એક કરિયાણાની દુકાનમાં 56 હજાર રોકડા અને સોના ચાંદીની ચોરી કરી હતી.
વારંવાર થતી આવી ઘટનાઓને લઈને દુકાનદારોમાં પણ રોષ જોવા મળ્યો છે. એક સાથે બદલી 10 જેટલી દુકાનોમાં ચોરીની ઘટનાને લઈને પોલીસની પેટ્રોલીંગની કામગીરી ઉપર પણ અનેક સવાલો ઉઠી રહ્યા છે. પોલીસ મથકથી માત્ર 500મીટરના અંતરે આવેલી દુકાનોમાં એકસાથે ચોરી થઇ જતા ચોરોએ જાણે પોલીસને પડકાર આપ્યો છે.
આ સમગ્ર ઘટના એક દુકાન નજીક મૂકવામાં આવેલા CCTVમાં કેદ થઈ હતી. જેમાં 3 જેટલા ચોરો દુકાનોના શટરો ખોલતા દેખાઈ રહ્યા છે. ચોરીને અંજામ આપતા CCTVમાં નજરે પડ્યા હતા.
