વડોદરામાં કોરોના વાઈરસ સામે રક્ષણ મેળવવા શહેરના રાજમાર્ગો પર સેનેટાઇઝર્સનો છંટકાવ

વડોદરા મહાનગરપાલિકા દ્વારા સાવચેતીના ભાગરૂપે શહેરમાં સેનેટાઈઝર્સનો છંટકાવ કરવાની કામગીરી શરૂ કરવામાં આવી છે. શહેરમાં આવેલા જાહેર સ્થળો, લોકોની અવર જવર વધુ ધરાવતા સ્થળો, ગીચ વસ્તી ધરાવતા વિસ્તારોમાં તેમજ ખાસ કરીને કોરોનાગ્રસ્ત દર્દીના વિસ્તારોમાં સેનેટાઈઝર્સ દવાનો છંટકાવ અને ફોગીંગ કરવામાં આવી રહ્યું છે.

વડોદરાઃ શહેરમાં મંગળવાર રાત્રે સાવચેતીના ભાગરૂપે વિવિધ વિસ્તારોમાં પાલિકા દ્વારા દવાનો છંટકાવ કરવાની કામગીરી પણ કરવામાં આવી હતી, તેમજ બુધવારના રોજ કોરોના વાઇરસનો નાશ કરવા પાલિકાએ ફાયરના સાધનોથી એન્ટીવાયરલ દવાનો છંટકાવ કર્યો હતો.

વડોદરા શહેરમાં કોરોના વાઇરસના 6 પોઝિટિવ કેસ સામે આવ્યા છે. જેઓની નિર્ધારિત પ્રોટોકોલ મુજબ આઇસોલેશન વોર્ડમાં સારવાર થઈ રહી છે. જ્યારે અત્યાર સુધીમાં 850 લોકોને હોમ ક્લોરોન્ટાઇન કરવામાં આવ્યા છે. તેવામાં કોરોના વાયરસનો ચેપ ફેલાય નહીં તે માટે પાલિકા દ્વારા સેનેટાઈઝેશનની કામગીરી હાથ ધરાઈ છે.